وجه الإعلامي خالد الغندور، رساله نارية لمنتقديه وذلك بسبب الهجوم الذي تعرض له بعد نشر صورة له من داخل الزمالك برفقة مجموعه من اللاعبين القدامى.
وقال خالد الغندور في تصريحات تليفزيونيه ببرنامج “زملكاوي” عبر قناة “الزمالك”:” رساله للجمهور احنا بنمر بظروف صعبه ولازم تقدروا ومفيش تنافس كده في الدنيا إديني مليار وإدي للمنافس مليار وخليني في نفس الظروف”.
وأضاف:” لما الاهلي إتعادل ماتشات قالك ستاد السلام وشه وحش، وراحوا ستاد القاهرة ملعب الزمالك، ويتريقوا على السحر والشعوذه،ونقلوا مبارياتهم رغم أنهم اتفقوا على اللعب بستاد السلام 10 سنين”.
وشدد الغندور: “عاوزين نرفه عن نفسنا، وروحت النادي ومعنا مجموعه من قدامى اللعيبه ورغم أحمد عيد الملك علاقته ليست جيده بالمستشار مرتضى بيروح النادي وبنتجمع نجد جماهير الزمالك رايحين تلعبوا وفرقتكم بتخسر انتم عاوزين اموت نفسي وملعبش ماتشات علشان تبقي سعيد”.
واختتم:” ومأكلش يعني علشان الزمالك خسر، أه زعلانين أوعوا تفتكروا هنمثل زي ناس، إحنا مش كده الحياه بتستمر، مش بنلعب على مشاعر حد ولابنمثل المشاعر الحقيقه في قلبنا، وزعلانين على فرقتنا ونتمنى التوفيق لنادينا”.
