رد أحمد حسام ميدو على أنباء انسحاب الأهلي من كأس الرابطة، موجها رسالة خاصة لمحمود الخطيب رئيس النادي الأهلي.
وقال ميدو في تصريحاته عبر برنامج الريمونتادا على قناة المحور: “النهاردة شوبير قال إن الأهلي بيفكر في الانسحاب من كأس الرابطة، ومش فاهم بصراحة ليه قرار الانسحاب، ما تلعبوا بالناشئين عندك مواهب في 2003 و2001”
وأضاف: “امنح فرصة لشريف عبد الفضيل مثلا مدرب الناشئين، يلعب ماتش أمام حسام حسن أو أي مدرب في كأس الرابطة”
وواصل: “السنة اللي فاتت الناشئين المميزين في الزمالك طلعوا من كأس الرابطة، ويبقى في احتكاك قوي للاعبين، ليه تنسحب؟”
وأكمل “ميدو”: “لما سمعت الكلام استغربت، مش لازم تلعب كل البطولات اللي انت بتشارك فيها باللاعبين الأساسيين بتوعك، والموضوع مش خناقة، دي بطولة رسمية، في فترة التوقف، بتتلعب عشان الفرق متتوقفش عن اللعب لفترة طويلة”.
مفاجأة كبرى.. أول رد من ميدو على ترشيحه لخلافة فيريرا فى الزمالك
واختتم “ميدو” :”الدليل فوز الإسماعيلي انهاردة اللي منح اللاعبين دفعة معنوية كبيرة، وهيمنح ثقة للجهاز الفني واللاعبين، وبوجه رسالة خاصة للكابتن محمود الخطيب، البطولة دي تتلعب بالناشئين، المميزين للغاية في الأهلي دي فرصة العمر للأهلي”
