فتح الإعلامي سيف زاهر النار على لاعبي الزمالك بعد الخروج من كأس الرابطة أمام البنك الأهلي بعد الهزيمة بثلاثية نظيفة.
وقال “سيف” :”كل مباريات كأس السوبر انتهت بركلات الجزاء إلا مباراة الزمالك، والجميع كان متوقع فوز الزمالك والتأهل على حساب البنك الأهلي”.
وأضاف “سيف” خلال تقديمه حلقة جديدة من برنامج “ملعب أون” على قناة “أون تايم سبورت” :”وارد إن البنك الأهلي يكسب بهدف، أو بركلات الجزاء، لكن مش ممكن يكسب بالشكل ده الزمالك انهيار كامل في 8 دقايق ودخل فيه 3 أهداف”.
وأشار :” أنا بتكلم على الزمالك من الأمور الفنية بعيدًا عن عدم الاستقرار الإداري والفني، وليه اللاعيبة راضيين بالوضع ده وليه اللاعبين كل ما تبعت حد للإعلام أو تقابل حد تقول المشكلة مش في الملعب المشكلة في فلان أو علان أو أي حاجة غير المعلب”.
ووجه “زاهر” رسالة للاعبي الزمالك قائلا :”بقولهم حضرتك فين من الكلام ده، الزمالك خد الدوري قبل كده بوجود مجلس مرتضى منصور وأمير مرتضى وأسامه نبيه، ومقدرتش اتكلم النهاردة مع أحمد عبدالمقصود كلمة واحدة لأن الموضوع مش في ايديه”.
وتابع :”كنت متوقع من اللاعبين إنها تبعت رسالة لـ فيتوريا وتفرح الجماهير ببطولة كأس الرابطة، وازاى اللاعيبة تسمح بالأداء ده، وبقول للاعبين ليه مش عايزين تعبروا عن نفسكم، ليه تزعلوا الجماهير، حاولنا نكلم اللاعبين بكل اللغات، اللاعيبة خارجة من الملعب بعد الماتش عامة سبرنت معملتش في الماتش”.
وأختتم “زاهر” : “بقول للاعبين انتوا بتلعبوا في نادي كبير ومش ممكن يكون مردود المبالغ المادية اللى الناس بتاخدها يكون ده الأداء بتاعها في الملعب”.
