طالب الإعلامي أحمد شوبير جماهير النادي الأهلي بضرورة مساندة مجلس إدارة النادي خلال الفترة القادمة، مشيرًا إلي أن خروج الفريق المحتمل من دوري أبطال إفريقيا لن يؤثر على مسيرة الفريق خلال الموسم.
وقال “شوبير” :”فيه خلاف بين جماهير الأهلي على السوشيال ومش عارف ليه، هتقولي هزيمة 5 أقولك عادي بتحصل في كل الأندية، هو مش الجمهور بيغني ويقول على الحلوة والمرة معاه ليه هتنسحب من المرة خليك معاها عليها”.
وأشار :”مش كل واحد هيبقى مدرب ولعيب أو رئيس نادي ولو إدارة النادي قررت تمشي العشر لاعبين اللى عايزاهم السوشيال ميديا هيطلع ناس تهاجم القرار ده”.
وأضاف ” شوبير” خلال تقديمه حلقة جديدة من برنامج “ملعب أون” على قناة “أون تايم سبورت” :”مش عارف فيه ايه، في النهاية دوري أبطال إفريقيا دي بطولة ممكن نخرج منها عادي من الدور الأول لكن مش هتخسر كل البطولات
وتابع :”حتى لو الأهلي خرج من البطولة عادي مش هياخد البطولة كل سنه، وليه كل واحد مصمم إن رأية هو الصح علشان كده مفيش إدارة على طلب الجمهور لأن الجماهير عمره ما أجمع على حاجة أو رأي ثابت”.
وأكمل :”الأمور عمرها ما تشمى كده لازم الأمور تمشى بشكل جيد والأهلي والزمالك مش بيلعبوا لوحدهم في البطولة، لكن الزمالك قادر على الصعود وقراره في ايده في حال فوزه على شباب بلوزداد”
وأختتم “شوبير” :” هل فيريرا مدرب تعبان اللى فاز بالدوري والكأس مرتين وكولر اللى حقق 22 فوز مع الأهلي، والزمالك لو فاز على المريخ أراهن الجميع على أنه يصعد للدور المقبل لأنه مش هيترك مباراة المريخ هنا”.
شاهد:
