لتجنب سيناريو كلاتنبرج .. طلبات ميدو لـ اتحاد الكرة من أجل نجاح رئيس لجنة الحكام الجديد

حذر أحمد حسام ميدو من تكرار سيناريو فشل مارك كلاتنبرج في مصر، مع فيتور بيريرا المنتظر تواجده في منصب رئيس لجنة الحكام بالاتحاد المصري لكرة القدم.

وقال “ميدو” خلال تقديمه حلقة جديدة من برنامج “الريمونتادا” على قناة “المحور”: “اللي حصل مع كلاتنبرج مينفعش يحصل مع فيتور بيريرا، والناس وصلت لكلاتنبرج كلام غلط وكلاتنبرج مكانش محمي بالشكل الأنسب لازم رئيس لجنة الحكام الجديد يكون عنده حماية”

وتابع :”الراجل ده مينفعش يحصل معاه نفس اللى حصل مع كلاتنبرج أن يتساب إن الناس كلها تهبش فيه وتهاجم فيه لأن الراجل ده لو متوفرلوش الحماية الكاملة من الدولة يبقى مش هينفع”.

وأكمل “ميدو” :”لأن ده راجل جاي ينقذ ملف مهم في الدولة ولازم يكون محمي بشكل كبير ويطلع أوامر لرؤساء لجان الحكام السابقين بعدم محاربة الراجل أو مهاجمته ده لو عايزينه ينجح لازم يكون ليه حماية خاصة”.

ومن المقرر أن يعلن اتحاد الكرة عن التعاقد مع البرتغالي فيتور ميلو بيريرا، لتولي منصب رئيس لجنة الحكام الرئيسية بالجبلاية، إلى جانب تطوير منظومة التحكيم المصري خلال المرحلة المقبلة.