“ليه بيتعمل فينا كده” .. عمرو أديب يستنكر ما يحدث بالزمالك ويتعجب من الإنهيار !!-فيديو

تسائل الإعلامي عمرو أديب عن أسباب ما يحدث للزمالك من إنهيار خلال تلك الفتره وتراجع في النتائج رغم ان الفريق كان بطل الدوري والكأس الموسم الماضي.

وقال عمرو أديب في تصريحات تليفزيونيه ببرنامج “الحكايه”عبر فضائية “mbc مصر2″:” الفرقه دي من غير مجلس إدارة خدت دوري وكأس وكان ممكن النادي يكمل، متفهمش في ايه، عندك كل الإمكانيات والنادي اللي قدامك الاهلي مش منور قوي، ومش في أحسن حالاته ولا عنده أحسن لعيبه، إنما انت اللي تدهورت تدهور كبير جدا”.

وأضاف: “احنا ليه بيتعمل فينا كده، ما نواجه بعض بقى، كفايه حالة الانكار الموجود عندنا”.

وشدد أديب:” إعرفوا إيه السبب، وإيه وصلنا لكده، عاوزين حد يقولنا هنصلح النادي في خطوات1.2.3″

واختتم: “فجأة النادي مالوش صاحب، طيب ياجماعه رئيس النادي ده يرجع؟ إحتمال، طيب هيمشي؟ والله وارد، طب هنجيب لجنة تتعين؟ جايز، هنبص في القانون الأول”.