حدد المستشار مرتضى منصور رئيس نادي الزمالك، موعد الإعلان عن اسم المدير الفني الجديد للفريق الأول لكرة القدم بالفارس الأبيض خلفًا للبرتغالي جيسفالدو فيريرا الذي تم فسخ التعاقد معه بالتراضي.
وقال مرتضى منصور في فيديو تم بثه عبر قناته على “اليوتيوب”:” اولا انا بهني وزير الداخليه برجالته ، انا شوفت في وادي النطرون 6 سجون مشفتهمش في امريكا ، ومستشفى على اعلى مستوى ، عندهم احدث اجهزه وبيعملوا عمليات قلب مفتوح شئ مبهر الحقيقه ، الواد احمد موسى بقا لما بيقول الكلام ده بيقولوا عليه بيهجص” .
وأضاف: “انا اقسم بالله ما في شعره مني اتهزت ، انا كنت بحط دماغي على المخده وانام مستريح ولكن غيري اللي لفقلي مش عارف ينام ومستنين عداله السماء” .
وشدد منصور: “يوم الجمعه في المؤتمر الصحفي هكشف محمود الخطيب ودلاديله غلطوا في ايه”.
وأردف:” هعلن في المؤتمر الصحفي يوم الجمعة عن المدير الفني في تمام الساعه العاشره صباحاً وبدعو السوشيال ميديا الزملكاويه للحضور في صاله محمد حسن حلمي زامورا عشان هنكشف حاجات اللي شعره اسود هيبيض ، وانا مكمل مش هتغير”.
واختتم: “انا من ساعه ما دخلت السجن كنت بهيأ لنفسي اني في هيلتون او الفورسيزون عادي ولا فرق معايا”.
