أكد الإعلامي مدحت شلبي، انه لا مانع من تجاوب رابطة الانديه المحترفه مع الأنديه المصريه المشاركه في البطولات الإفريقية وتأجيل مبارياتها بالدوري المحلي، مثلما فعلت نظيرتها بالجزائر مع نادي شباب بلوزداد قبل مواجهة الزمالك.
وقال مدحت شلبي في تصريحات تليفزيونية ببرنامج *مساء اون تايم” عبر قناة “اون تايم سبورتس2″:” الزمالك عنده ماتش مهم مع شباب بلوزداد يوم 17 مارس ويسبقه مباراة امام انبي يوم12، بلوزداد نقل المباراه وده حقه لاستاد 5 يوليه في معقله امام50 الف مشجع، والجمهور بيكون عامل دعم وحظ الزمالك كده وهيلعب امام جماهير”.
واضاف:” كان في ماتش مقرر لبلوزداد مع وفاق سطيف يوم12 مارس قدم طلب لتأجيله واتوافق على الطلب، علشان محرجش لجنة الانديه عندنا، بلوزداد كمان عنده 4 لاعبين مهمين انضموا للمنتخب الجزائري الاوليمبي”.
وشدد شلبي:” بقول احنا ضد التاجيل وشئ محترم من الرابطه رفضها تأجيل مباريات، ولكن اذا كان في ماتش مهم اوي هيوصل لربع النهائي او نصف النهائي او لنهائي ومال النادي على الرابطه في التأجيل علشان ميحصلش اصابات مش في مصلحتنا انه اللاعبين يصابوا قبل مباراة هامه”.
واردف:” في الماتشات الحاسمه مفيهاش حاجه نأجل وفي الجزائر اجلوا ماتش لبلوزداد علشان يستعدوا للزمالك”.
واختتم شلبي:” لما يكون الرابطه شايفه انها تساعد الانديه بالتأجيل مفيهاش حاجه واحنا مش هننتقد ده، هم عاملين التأجيل في الادوار الاقصائيه بس هيفيد بايه لومتاهلش الفريق”.
