اكد الإعلامي أحمد حسام ميدو، ان الزمالك لو لعب بنفس اسلوب وطريقة مباراة الترجي مع بعض التطوير خلال لقاء شباب بلوزداد الجزائري سيتأهل للدور القادم بدوري أبطال إفريقيا.
وقال ميدو في تصريحات تليفزيونيه ببرنامج “الريمونتادا” عبر قناة”المحور”: “بدايه وانطلاقه الريمونتادا بدأت النهارده ، الزمالك مقداموش حل تاني غير انه يكسب الماتشين، الزمالك وقع قلبنا الشوط التاني ولكن الفرق ان اللعيبه كانت رجاله ، في روح وفي قلب وفي تركيز”.
واضاف:” مفيش اخطاء ساذجه وهو ده الزمالك اللي نعرفه ، اللعيبه عاوزه تكسب وعاوزه تعمل لنفسها حاجه” .
وشدد ميدو: “الماتشين تقال منهم ماتش بلوزداد في الجزاير ، ماتش تقيل ولكن الزمالك هيتأهل ان شاء الله”. .
واردف:” الزمالك لو لعب بنفس شكل النهارده مع بعض تطوير الاداء الزمالك هيكسب بلوزداد في الجزاير” .
واختتم: “المجموعه صعبه ولكن اللي صعبها على نفسه اكتر الزمالك ، مينفعش تبص لورا في الكوره ولازم خلاص تركز باصرارك وقناعتك وايمانك بنفسك انك هتتأهل”.
