أثنى أحمد حسام ميدو نجم الزمالك السابق، بإمكانيات إمام عاشور لاعب نادي ميتلاند الدنماركي، وشدد أن الزمالك لايقف على رحيل أي لاعب.
وقال ميدو في حواره ببرنامج “حبر سري” عبر فضائية “القاهرة والناس”:” إمام عاشور لاعب كويس جداً وعرف يطور من نفسه ولكن الزمالك لن هيقف عليه واكيد توفير بديل إمام عاشور صعب ولكن مش هتقف عليه” .
وأردف: “امام لاعب ذكي وكان بيلعب في مركز غير مركزه، كان بيلعب وينج شمال ولما اتوظف في نص الملعب كان لاعب ذكي وعرف يطور من نفسه لحد ما بقى احسن لاعب في مركزه” .
وشدد ميدو: “إحتراف امام عاشور في ميتلاند خطوه مفيده لإن مالك ميتلاند يمتلك نادي آخر في إنجلترا ولو إنتقل للدوري الإنجليزي هتبقى نقله كبيره جدا في مسيرته”.
واختتم:” مش عارف ليه الناس بتقول ايه الدوري الدنماركي ده، ما هو لازم يروح ويتطور في الأماكن دي في الدنمارك والبرتغال ، لان اللي راح من الدار للنار فشل زي حازم امام ورمضان صبحي” .
