“مين الباشا الكبير اللى نكلمه” عمرو أديب يحرج مسؤولي الدولة ووزير الرياضة بسبب الزمالك-فيديو
فتح الإعلامي عمرو أديب النار على المسؤولين عن الرياضة المصرية ووزير الشباب والرياضة الدكتور أشرف صبحي بسبب الوضع داخل نادي الزمالك مؤخرًا.
وكان الزمالك قد خسر المنافسة على كافة البطولات هذا الموسم بعد خروجه بالأمس من كأس الرابطة أمام البنك الأهلي بعد الخسارة بثلاثية.
وقال “عمرو” :”محتاجين إنقاذ للزمالك، عايز أعرف الدولة بتتفرج ليه، الدولة محسسانى إن يوم اه ويوم لا، كأنها بتكتب على سطر وتسيب سطر، ده النادي ده بتاع الدولة الفلوس اللى بتضيع دي بتاعة الدولة فلوس الناس”.
وأضاف “عمرو” خلال تقديمه حلقة جديدة من برنامج “الحكاية” على قناة “mbc” مصر :”ليه محدش عايز يتصرف ومش قصدى تصرف معين أن قصدى شوية استقرار النادي يشم نفسه”.
وتساءل “عمرو” :”هل وصلنا لمرحلة إن البلد وقعت أو الدنيا خلصت وهل مفيش حاجة أو حل أو المسالة بسيطة قولنا خلاص مفيش حل فالنادي يقع يجيب مركز سادس بقى سابع ينزل درجة تانية خلاص بقى”.
وتابع :”النادي ده هيتساب لأيه، كأنه عزبة، هيتساب لرحمة ربنا ويجرى اللى يجرى فيه، بس ياريت تقولنا بقى علشان كل مرة نقول هيحل حاجة ومفيش، لو كده قولوا خلاص خلصت”.
وأنتقد “أديب” موقف وزير الرياضة من أزمات نادي الزمالك قائلا :”مش فاهم موقف وزير الشباب والرياضة، موقفه مش واضح بيطلع يقول والله لسه هنشوف مش عايزين نضايق حد او نعمل حاجة تطلع غلط بعد كده، وبقوله هتعرف امتى”.
وأكمل :”الموضوع بقى غريب وكل ما تروح عند حد يقول لا أسأل فلان مش عندنا، وهل كلكم مفيش ليكم رأي ، عايزين نعرف مين الباشا اللى عنده رأي في الموضوع ده، حد يقولنا الحكاية أيًا كانت”.
وأختتم “عمرو” :”النادي عمره ما كان كده، في أسوأ الظروف مكناش كده، وعلى فكرة النادي مبقاش فيه حاجة خالص غير خناقات ولا كرة قدم ولا صالات عندنا بس حناقات، والمعركة الاسطورية مع الخطيب”.
