أكد الإعلامي مدحت شلبي أن توقيت حفل زفاف إمام عاشور قبل مباراتي منتخب مصر المرتقبتين أمام منتخب مالاوي في تصفيات كأس الأمم الأفريقية غير صائب ، مشيراً أن اللاعب كان لابد أن يستبعد من المنتخب الوطني .
إقرأ أيضاً| مفاجأه من العيار الثقيل ولأول مرة .. خالد الغندور يكشف الشخص وراء تسريب عقود الزمالك!!
وقال شلبي في تصريحات تلفزيونية عبر برنامج مساء أون تايم :”انا مش عارف الحقيقه مين وافق لامام عاشور على مساله جوازه دي ، يعني هو هيتجوز النهارده وينزل التمرين بكره ويلعب بعد بكره ، هي جوازه ايه دي؟ “.
وتابع :”وبعدين هل يجرؤ امام عاشور يعمل كده مع ميتلاند ؟ لا يجرؤ طبعاً لان هناك فلوس ودولارات ، هو للدرجادي احنا مستباحين يعني ؟” .
وشدد :”المفروض كان يتقاله يا امام تأجل جوازك للصيف محدش بيتجوز في نص الموسم يعني ، انا شايف ان كان لازم يتقاله اجل ولو رفض وكبر دماغه يستبعد من المنتخب” .
وأتم :”محدش يقولي هو الفرح يوم وخلصنا لا اللاعب دماغه في المعازيم والنمر الفنيه وانا رأيي ان كان لازم يستبعد من المنتخب” .
