أعلن المستشار مرتضى منصور رئيس نادي الزمالك قرارات مجلس الإدارة الطارئ الذي تم عقده اليوم مع لجنة الكره المُكونه من أبناء النادي.
وقال مرتضى منصور في تصريحات عبر فيديو تم بثه على قناة الزمالك:” مجلس الادارة ليس له علاقه بتقييم لاعب هيكون قرار لجنه الكرة، وكذلك تقييم وإختيار المدير الفني، وهم لجنة التقييم نهاية الموسم وبدايته لكن ملهمش دعوة بفريق الكره واللاعبين في خلال الموسم”.
وأضاف: “بقول لجماهير الزمالك الفريق محتاجك في الوقت ده، والتربيه مش بالشتيمه لا بالفلوس سيب المجلس يعاقب والمشرف العام ومدير الكرة يعاقبوا”.
وشدد مرتضى:” اللي قولته عن أحمد عبدالمقصود بسبب إن عرفت انه رفض مشاركة دونجا وحسام عبدالمجيد وقالهم انا المدير الفني وأختار اللي يشارك”.
وأردف: “قررنا مفيش مدرب أو مساعد مدرب بيشتغل ف نادي هجيبه، مش عاوز إعمل مشاكل مع أي نادي آخر، لإن اللي منرضهوش للزمالك مقبلوش على حد”.
وأشار مرتضى:” مجلس الإدارة وافق بالإجماع على تعيين عبد الواحد السيد مدير كره بكافة الصلاحيات، وفي لائحه إشتغل عليها ميدو وأمير، حضرتك مش عاوز تلعب أحتياطي وهتدخل على الإنستجرام او الفيس بوك وترد على الجمهور هيتخصم منك، ومطلوب تسعد الجماهير ومطلوب مني كل السبل فلوسك ومكافأت هتغلط هعاقبك بالفلوس مفيش لاعب يتوقف”.
واستأنف: “ومفيش جمهور يشتم لاعب في مدرج لا هنخصم منه، لإن لغة العصر الفلوس، وأوربا بيعملوا كده، ومسمعناش ان عبد الواحد راح اتفاوض مع الأهلي وهو رئيس نادي أصلا زميل يعني”.
وزاد مرتضى:” محمد عبد المنصف مدرب حراس مرمى ومعه 2 واحد قلب أسد والثاني دبلوماسي، مدحت عبد الهادي، واحمد مجدي اللي معاه رخصه ومثقف وكنت أتمنى إستمرار أيمن طاهر وحسين ياسر، لكن اللجنة اختارت الأسماء دي”.
وأكمل: “هنعمل شركه كره وأمير مرتضى اصبح رئيس قطاعات الكره بالزمالك، انا كان يهمني الجهاز المصري الاول، وبشكر اللجنه لإنها من 10 ايام شاغلين وواجهتم صعوبات كبيره”.
وتابع:” مجلس الإدارة ممنوع حد يدخل أوضة اللبس ولما كنت بجتمع مع اللاعبين علشان اقولهم إسعدوا الملايين ونفسكم، ممنوع حد يكلم لاعب أومدرب في التليفون نجحوا هنكافئه، انا دوري أوفر فلوس وأحميك من اللي ببشتمك انا لاهلعب ولا امير ولا اللجنه ولا مجلس الادارة”.
واستطرد:” اللجنة مهمتها تقييم اللعيبه وهيعملوا تقرير نهاية الموسم علشان اثناء الموسم هتكون وجهة نظره واضحه علشان كده ممنوع يكلموا اثناء الموسم، دور اللجنه اللاعب ده يمشي أويعار أويستمر انا رئيس مجلس ادارة الزمالك مش الكره بس”.
وأختتم: “السيد وزير الماليه حاجز على كل أرصدة الزمالك في كل البنوك، في فلوس بتيجي لنا لو دخلت هتدخل على حجز الماليه حضرتك لك 10مليون ودلوقتي واخد 100 مليون، حضرتك حاجر علينا ليه وبتقول مش عارف اخد فلوسي من ممدوح عباس، انا في ازمه انت حاجز عليا”.
