“أنا مش حنفي”.. مرتضى منصور يثير حيرة الزملكاوية بشأن انسحاب الزمالك من السوبر أمام الأهلي – فيديو
أوضح مرتضى منصور على موقف نادي الزمالك من الانسحاب من بطولة السوبر أمام الأهلي، والمقرر إقامتها في دولة الإمارات العربية المتحدة.
وكانت جماهير نادي الزمالك طالبت مجلس إدارة الفارس الأبيض بالانسحاب من بطولة السوبر، اعتراضًا على عدم تطبيق عقوبة الهارب كهربا
وقال “مرتضى” :”الناس كلها بتقول انسحب، مع احترامي للجماهير، لو عملت كده معناه مفيش نادي، لأن الجمعية العمومية انتخبت المجلس الحالي، لأننا في مكان مؤسسي بنجتمع علشان ناخد القرارات المناسبة لصالح النادي”.
وأكد “مرتضى” :”أنا عندي بلدي رقم واحد، وانا مش بخاف غير من اللى خلقني، واللى بيقول عليا “حنفي” أنا قبل كده ملعبتش مباراة المقاصة ومباراة الأهلي، وأصريت على تنفيذ قراري ومش أنا اللى حنفي”.
وأضاف “مرتضى” خلال تصريحات على قناة “الزمالك” :”ده مش معناه إني هنسحب ولا ولا، بس بفهم الناس الناس بتقولى أنت راجل دولة مبقتش رجل دوله أنا لسه طالع من السجن”.
وكان مرتضى منصور قد وجه الدعوة لمجلس الإدارة لعقد اجتماع طارئ يوم الأحد الموافق 30 أبريل الحالي في الثالثة عصرا.
يأتي إجتماع مجلس الإدارة لمناقشة العديد من الأمور الخاصة بنادي الزمالك في الفترة الحالية، على رأسها إمكانية الانسحاب من مواجهة السوبر أمام الأهلي.
شاهد:
