وجه المستشار مرتضى منصور رئيس نادي الزمالك، رساله قويه لجماهير الفارس الأبيض، وطالبهم بالهدوء.
وقال مرتضى منصور في تصريحات عبر فيديو تمبثه على قناة الزمالك: “كل لما نتفق مع مدرب يحصل مشكله، المدرب الألماني جه وقعد وجاله تليفون وقالنا النادي محجوز عليه مين قاله، وقال عاوز أخد شرط جزائي العقد كامل، واحد زملكاوي قال لميدو واقف معهم ليه وانا عارف مين هو”.
وشدد:” بنحاول نشوف مدرب، مش معقول نكلم كل مدرب يعتذر البهوات مشوهين صورتنا، الجهاز المصري اشتغل واللي مكنش ملتزم من اللعيبه إلتزم خلاص”.
وأضاف مرتضى: “من فضل الجمهور إعطونا هدنة، إنت زملكاوي؟ علشان تقول مرتضى تم عزله، طيب ياعم أنا مشيت النادي وقع هتحيب مين لو مشيت هارجع وأكتسح الإنتخابات”.
وأردف:” عاوزين نرجع الفريق مرة تانيه، فيريرا عملتوا علم بإسمه وبنحذرك من إنك تقرب منه انتم السبب وهو تأثر نفسيا بعد رحيل إبن زوجته، جبت أسامه وقال لا مش هكمل اتشتمت مقدرش على المسئوليه احنا مكملناش سنه كمجلس”.
وواصل مرتضى:” الجمهور الحقيقي يقف وراء الفريق اللعيبه غلطت تتعاقب فلوس، وفي لعيبه شكرا خلاص، فيريرا دمر اللعيبه القدام والجديده حرقهم”.
وأختتم: “بنحاول نجيب مدرب كبير، ولإما نجيب مدرب يليق بالزمالك يامنجبش، مش هقول جنسيه المدرب علشان بيعرفوه ويطفشوه”.
