“الإنجازات كتير علينا”…إبراهيم فايق يفتح النار على إتحاد الكرة بسبب أزمة غياب الڤار عن مباريات الدوري!!

فتح الإعلامي إبراهيم فايق، النار على مسئوولي إتحاد الكرة بسبب غياب تقنية الڤار عن مباريات الدوري، بداية من الجولة الثانية والعشرين والتي إنطلقت يوم الخميس الماضي.

وقال إبراهيم فايق في تصريحات تليفزيونيه ببرنامج “جمهور التالته”عبر قناة “أون تايم سبورتس2″:” هقولك حته من على طرف المعلقه، بس انت مش واخد بالك علشان رمضان والصيام والتراويح والمسلسلات”.

وأضاف: “اتلعبت ماتشات الدوري بدون ڤار علشان الفلوس خلصت، ازيدك من الشعر بيت، لقطه جدليه في ماتش الإتحاد وغزل المحله، وهل الكره عدت أم لا، والناس غرقانه ومش عارفه تعمل إيه، مفيش ڤار”.

وشدد فايق:” انا هشهدك وهذممك، الفريقين الاتحاد والمحله مش صغيرين، بس المشهد اقسم بالله لو في ماتش الزمالك أو الأهلي والله اليوم مكنش هيعدي”.

واردف:” انتم مستنين تحصل في ماتش زمالك وأهلي ولا فريق بيهبط”.

وأختتم: “الإنجازات كترت قوي من الإتحاد والسقف علي، والانجازات كتير علينا، وجابوها في الرابطه والرابطه قالت لا إحنا دفعنا”.