أكد أحمد حسام ميدو لاعب الزمالك السابق، إن رحيل مرتضى منصور وعزله من الزمالك سيؤدي إلى حدوث حالة من السقوط المؤقت للفارس الأبيض.
وقال ميدو في تصريحات تليفزيونيه ببرنامج “زملكاوي” عبر قناة “الزمالك”:” انا في رأيي عزل مرتضى منصور تضييع وقت، وهيقدم إستشكال وهيوقف الحكم، وهيقدم طعن ليتقبل اويترفض”.
وأضاف: “لو الطعن اترفض الإنتخابات في شهر 7 ومرتضى هينزل ويكسب، ايه الفايده ان النادي يقعد في مرحله انتقاليه لمدة شهرين، النادي اتعطل”.
وأردف ميدو:” بقول للأهلاوبه انتم بتنافسوا نادي بدون اي ذنب مش عارف يسير أموره العاديه أو يدفع مرتباته، انتم نادي كبير جدا والزمالك بيدخل بكل المشاكل وياخذ بطولاتك منك يبقى نادي قوي، الزمالك بكل مشاكله بياخد50 او60 من البطولات يبقى نادي عظيم”.
وشدد:” لما برشلونه حصله هزه في الإدارة الفرقه وقعت، إلا الزمالك مر بكل الأزمات مازال بينافسكم بكل بطوله بتلعبوها”.
وأوضح ميدو: “انا مش واقف مع مرتضى منصور انا واقف مع الزمالك، انا رجل بحب النادي وبروح كل يوم علشان اخدمه ليه مرتضى منصور لو مشي هيقع فتره وهيرجع بس هيقع لان مرتضى بيدير الزمالك إدارة مركزيه مفيش واحد بديل ولو بعد النادي هيحصله دروب كبير”.
وأختتم:” انا بغير من الأهلي نفسي نوصل ان النادي بتاعنا محدش يقدر يلمسه، واللي يدخل بإنتخابات ولو سقط مش عاوزين نشوفك 4 سنين وكنت بقول للمستشار مرتضى كده ابعد”.
