كشف جمال عبد الحميد عضو مجلس إدارة نادي الزمالك، سبب تأخير الإعلان عن اسم المدير الفني الجديد للفريق الأول لكرة القدم بالفارس الأبيض.
وقال جمال عبد الحميد في تصريحات تليفزيونيه عبر قناة “الزمالك”: “كان المفروض أمير مرتضى يعلن عن المدرب قبلها بـ4 أيام وإتفقنا معه عبر زووم وهو وصل مصر فعلا للتوقيع، والمستشار عقله سابق وقال هعلن دلوقتي ومش هقول اسمه”.
وأضاف:” الأهلي من حقه يعمل اللي عاوزه يخطف لاعب ويكلم مدرب لإنه منافس وعارف ده، إنما اللي ينافسك ناس زملكاويه، ومش مصدق انهم زملكاويه لعبوا للنادي وكان رئيس في الزمالك أو رئيس لجنة أو مرشح نفسك بالانتخابات يعني انت بتحب الكيان لما تحب الكيان تعمل مع المدرب كده وتستقبله بالشائعات وتخلي الرجل يقول انا جاي اتبهدل هنا”.
وأردف جمال:” المستشار مرتضى فكر سابق عصره إنه قال مش هقول اسمه واول لما عرفوا انه وصل المطار راحوا له، متقولش إنك زملكاوي إنت عاوز النادي يقع”.
وشدد: “المدرب الالماني مشي مش علشان إتقاله كده وان النادي فيه مشاكل، لا إحنا حطينا شروطنا وكان لازم يوافق، وقال أخد كل العقد لو مشي”.
وواصل:” إحنا إتعرض علينا 25 مدرب، وبعد الدارسه وصلوا 5 بس، وكلهم احسن من بعض، قولنا هناخد بالترتيب”.
وأكمل عبد الحميد:” متأخرين في الإعلان علشان الشروط نتوافق عليها وعلشان نشتغل واحنا مرتاحين مع بعض، و نحافظ على المال العام، محتاجين نجيب مدرب عالي كويس ومتوافق مع شروطنا لومشي هتاخد شهرين بس، ولو مشيت والنتائج وحشه مالوش فلوس”.
وأختتم: “إكتسبنا خبرات من التعاملات السابقه واللي مأخرنا هو التفاوض واللي إفقنا معه واحد من الخمسه الي إخترناهم هو مدرب هايل”.
