كشف الإعلامي خالد الغندور، السبب الحقيقي وراء إنهيار فريق كره القدم وتراجع النتائج، وذلك بعد الخسارة من المصري البورسعيدي في الدوري.
وقال خالد الغندور في تصريحات تليفزيونيه ببرنامج “زملكاوي” عبر قناة “الزمالك”:”حابب أقول مشكله الزمالك الحقيقيه مع إحترامي لكل المحللين، محدش بيكلم على صبحي ودخل مرماه 3 أهداف، الكلام أكثر على عمر جابر وروقا، والجميع بيحملوا خط الوسط والدفاع المسئولية”.
وأضاف:” محدش بيكلم على الهجوم،الكلام بإستمراز عن الدفاع وحراسة المرمى، الزمالك مشكلته فنيه بحته داخل الملعب، والمدير الفني هو الحل الأمثل لإنقاذ الزمالك داخل الملعب”.
وشدد الغندور:” كرة القدم جماعية وعلى الجميع الالتزام، الزمالك فقد جزء مهم جدا الموسم الماضي برحيل بن شرقي ورزاق سيسيه وطارق حامد وابوجبل ومع ذلك الزمالك لعب جماعي وفاز بالدوري”.
وأردف: “النهارده الناس بيقولوا عمر جابر فاتح ناحيه اليمين هل زيزو بيرجع مع عمر أو مصطفى شلبي؟ “.
وواصل الغندور:” زيزو لاعب كبير ومصطفى شلبي لاعب كبير وبدا يظهر، لما يكون مفيش إلتزام دفاعي من الجانب الهجومي، مينفعش أعري خط دفاغي والأطراف وواحد و2 يلعبوا على عمر واكون انا وحش لازم الكل يهاجم ويدافع”.
وزاد:” لما يكون 2 لعيبه على عمر جابر وتقولي عمر جابر وحش، في ثغرة بالزمالك وحلها فني ومينفعش تتقدم وبعدها تخسر، عندنا زيزو جامد وهيبقى جامد قوي لما نص الملعب يكون تقيل قوي، كرة القدم إلتزام انا بجيب أجوال ولكن ليا أدوار دفاعيه ولارم اقوم بها”.
وأستطرد:” الونش محتاج وقت لإنه راجع من إصابه طويله ومحتاج اللي جانبه يشيلوا، مشكله الزمالك فنيه بحته، والموسم الماضي كان في لعب جماعي”.
وأختتم:” المفروض رقم 6 يكون وَحش، طريقه لعب روقا وإصاباته أثرت عليه هو لعيب يتقن ولكنه مش رقم 6، وهيأدي يبقى كويس لما اللي جانبه يكون تقيل قوي هو أساسا رقم8 مش مركز6″.
