شاهد فيديو ناري من ميدو يرد فيه على إتهامات جماهير الأهلي بعد أزمة مباراة الرجاء المغربي
رد أحمد حسام ميدو نجم نادي الزمالك السابق على هجوم جماهير الأهلي عليه بعد تعليقه أزمة جماهير الأهلي مع الأمن خلال مباراة الأهلي والرجاء المغربي في دوري أبطال إفريقيا.
وكان ميدو أكد في وقت سابق أن حل الألتراس كان خدعة، مطالبًا بالتفريق بين جمهور الأهلي الذي وصفه بـ”المحترم”، وبين من يريدون إشعال المدرجات لأجل مصلحتهم، حسبما ذكر.
وقال “ميدو” :”كان فيه فكرة عند البعض إنهم عايزين يستغلوا ماتش الأهلي والرجاء، علشان يطلعوا يقولوا بعدها فين الجمهور والتشجيع وإن جمهور الأهلي من غير التالتة شمال ميعرفش يشجع، من غير ما يجيبوا سيرة الألتراس أو حاجة لأن دي الخطة بتاعتهم”.
وأشار :” خطة الناس دي بتقوم على إبعاد الرأي العام عن فكرة الألتراس وتجنيد ناس جديدة يقدروا انهم يتحكموا فيهم ويحشدوهم في وقت قصير، في محاولة لاستنساخ الفكرة اللى عملوها قبل كده بس بتتعمل بذكاء كبير وتخفي وفكر مختلف عن اللى اتعمل قبل كده”.
وأضاف “ميدو” خلال فيديو نشره عبر حسابة الرسمي على “إنستجرام” :”الكلام اللى انا قولته بعد الماتش أفشل الفكرة اللى كانوا عايزين يعيشوا عليها الفترة الجاية، والناس دي عندها مشكلة في حضور الجمهور على الأرض عايزينها ترجع فوضى زي زمان لكن محدش هيسمح بإن ده يحصل”.
وتابع :”الناس دي عندها مشكلة كبيرة مع شركة تذكرتي لأنهم مش عايزين أي بيانات عنهم تكون موجودة عند الدولة، لأن معظم الناس اللى بيستخدموها بتكون مسجلة، وأنا بقول الكلام ده للناس المخلصين اللى مش عايزين البلد ترجع تاني الفترة اللى مرت بيها قبل كده”.
وأكمل “ميدو” :”الآمر الثاني إنهم معترضين على فكرة عدم دخولهم بالبنرات بتاعتهم لأنهم عايزين يستغلوها من خلال كتابة عبارات مسيئة وعايزين يستغلوا المدرج من أجل إرسال رسائل سياسية نفس الأمر اللى حصل قبل كده وإعادة للتاريخ مرة تانية”.
وأوضح “ميدو” :”بالإضافة إنهم مش عايزين أي حد من الداخلية يكون في الملعب ويكون التأمين من خلال شركة أمن خاص علشان يعرفوا يعملوا اللى هما عايزينة، ويكون المدرج هو المكان اللى يكسبوا منه فلوس عن طريق إنهم ينفذوا الأجندات بتاعة الناس اللى بتقبضهم”.
وشدد “ميدو” :”الناس المسؤولة مش عبيطة وعندها معلومات بكل التحركات اللى بتحصل علشان كده هتلاقي فيه ناس من الأمن دايما موجود في المدرج شغلتهم إنهم ميخلوش أي بني آدم ميخرجش عن النص”.
ورد “ميدو” على هجوم جماهير الأهلي قائلا :”طبعا بعد كلامي فيه حملة طلعت عليا من إمبارح وهجوم كبير، وبقولهم ده شرف ليا، وبقول للناس دي أغراضكم كلها معروفة ومعروف مين اللى بيقبضكم وحاولوا ياخدوا الموضوع في سكة ميدو بيحرض مع إني بقول للجمهور خلوا بالكم”.
وأردف :”إحنا في معركة كبيرة والمدرج يعتبر أخر فرصة للبعض في إنهم يوقعوا البلد في مشكلة، وجمهور الكرة المحترم عمره ما هيسمح بالكلام ده إنه يحصل مرة تانية”.
وأوضح “ميدو” :”من ضمن الحاجات اللى عايشين عليها محاولة الترويج إن الألتراس إنتهى من 2018، والكلام ده يتقال للعيال الصغيرة، وبقولهم كل الحاجات اللى بتعملوها مفضوحة”.
واستطرد :”عاملين هاشتاج اسمه المدرج للجمهور، وده حقيقي لإن المدرج للجمهور المحترم اللى رايح يشجع كورة، وبقولهم اوعوا تفتكروا إنكم عندكم قوة مفرطة تقدروا يستخدموها على حد”.
وأختتم “ميدو” :”بقول للشباب الصغير خلوا بالكم واوعو تفتكروا إن حد من اللى باع نفسه قبل كده اتحبس ظلم لأن كل الناس دي مسجل ليهم مكالمات وهما بيتقفوا على حاجات معينة”.
شاهد:
View this post on Instagram
