كشف الإعلامي سيف زاهر، عن قيمة غرامة محمد الشناوي حارس مرمى الأهلي بعد طرده أمام سموحه.
إقرأ ايضا.. مفاجأة صادمة.. لجنة الإنضباط توضح سبب عدم الإعلان عن عقوبة الهارب كهربا بعد شكوى الزمالك!!
وقال سيف زاهر في تصريحات تليفزيونيه ببرنامج “ملعب أون تايم” عبر قناة “أون تايم سبورتس”:” لما بنكلم وتقول لفظ بنور كشاف الناس بتزعل، ولما بنور كشاف للاعب الناس بتزعل، لكن احنا قلبنا بيكون على اللاعب والنادي”.
وأضاف:” لقطة الشناوي، هي لقطه الشناوي لازم يقف عندها كتير، الشناوي من سنين في حته تانيه بأداءه وبطولاته وكاساته ولكن مش الموقف ده”.
وشدد زاهر: “الموقف ده لازم الشناوي يقف قدامه كتير، اضرب لاعب بالشكل ده قدام للحكم؟، وياعالم هاخد كام مباراة، نورت كشاف قبل كده بسبب تعامله مع الحكام، إيه يستدعي العصبيه؟، انت متقدم 2 صفر، موقف غير لائق من لاعب كبير، وعلشان هو حارس مصر لازم نقول الخروج غلط والمشهد اللي خرج به غلط”.
وواصل:” انت في الأهلي، والأهلي معندوش كبير وصغير والنادي قبل أي شئ تحيه كبيره للاهلي ولسيد عبد الحفيظ على الإعلان عن عقوبة الشناوي”.
وأختتم:” معلوماتي غرامة الشناوي 250 الف جنيه، والعقوبه التانيه لأي لاعب يخرج عن النص هتكون500 الف جنيه”.
