كشف الإعلامي سيف زاهر أن إدارة النادي الأهلي تعمل على إيجاد طريقة من أجل تأجيل دفع غرامة الهارب كهربا لصالح نادي الزمالك أربعة شهور وذلك مع قرب إنتهاء مهلة الفيفا للاعب الهارب.
وقال “زاهر” :”بالنسبة لمشاركة كهربا كان فيه كلام كتير عليها، وحابب أشرح الدنيا بالنسبة لكهربا اللى كان قلقان الساعات الماضية على مستقبله وموقف سداد الغرامة الخاصه بيه”.
وأوضح “زاهر” :”كان فيه جلسة جمعت كهربا بسيد عبد الحفيظ وكان الحديث كالآتي : سيد عبدالحفيظ قال لـ كهربا ركز في المباراة وملكش دعوة بالباقي، وكهربا قاله أركز إزاي وممكن اتفاجأ بعد كده بقرار إيقافي”.
وأشار :”سيد عبد الحفيظ قال لـ كهربا الموضوع بقى بتاعنا، ومدة الإيقاف تنهى بعد بكرة مش بكرة، وقاله إدارة الأهلي شغالة على 2 سيناريو الأول الدفع خلال 48 ساعة وسيناريو إن الدفع يكون بعد أربع شهور”.
وأضاف “زاهر” خلال تقديمه حلقة جديدة من برنامج “ملعب أون” على قناة “أون تايم سبورت” :” الأهلي هيجرب الاول سيناريو الأربع شهور في محاولة تأجيل الدفع، ولو منفعش يبقى هيدفع بعد 48 ساعة”.
وتابع :”سيد عبدالحفيظ قال لـ كهربا مش هتتوقف تاني، وكهربا رد قاله أنا عملت اللى عليا ومش عايز أبطل كورة تاني”
وأختتم “زاهر” :”فيه جلسة ثانية جمعت كهربا بمسؤول كبير في الأهلي وقاله بشكل صريح اطمن الموضوع خلصان، لكن مش هقدر اقول مين المسؤل ده في الوقت الحالي”
شاهد:
