“قالوا عليا شاذ جنسيًا واتهموا ابني بالتعاطي”.. مرتضى منصور يوجه رسائل نارية للمسئولين ويطالب بحقه من الخطيب!
أطلق المستشار مرتضى منصور رئيس نادي الزمالك تصريحات من العيار الثقيل خلال المؤتمر الصحفي الذي عقده مساء الجمعة داخل القلعة البيضاء، وذلك تعقيبَا على الفترة التي قضاها داخل السجن بسبب قضية سب وقذف محمود الخطيب رئيس النادي الأهلي.
وقال “مرتضى” :”كابتن محمود الخطيب انت قولت أخذت حق اختك، اللى هي مش اختك.. طب أنا بقى عايز حق مراتي، لأن مراتي أشرف منكم، والعيال اللى عندك قالوا متجوز عليها محامية عندي اسمها هالة، وانا معنديش محامية اسمها هالة”.
وأشار :”محامي محمود الخطيب قال عليا “شاذ” جنسيًا وبقول للنائب العام عايز حقي ولا دي مش حقوق وأعراض، وبقول للقضاء عايز حقي ابنى اللى قالوا عليه “شمام” وهو بيشتغل طول اليوم علشان النادي”.
وأضاف “مرتضى” في المؤتمر الصحفي الذي عقده اليوم داخل نادي الزمالك :” عايز حق ابني التاني اللى قالوا عليه “بينام مع الخدمات” ولا أنا علشان معنديش جمهور داعم ليا ولا هي الحقوق للخطيب بس”.
وتابع :”طلعت من التجربة دي بدرس واحد، وهو أوعى تتخانق مع حد علشان حد، واوعى تتخانق مع دولة علشان دولة، اتخانق بس علشان مراتك وأسرتك”.
وأكمل “مرتضى” :”المفروض ياجمهور الزمالك تمشى رافع راسك تقول رئيس النادي بتاعنا رفض يعتذر، وانا هفضل اتخانق مع طوب الأرض عشان مصر، وانا قبل كده اتخانقت مع طوب الأرض عشان الزمالك وهفضل على موقفى”.
