أكد جمال عبد الحميد عضو مجلس إدارة الزمالك، أن الإدارة ستتخذ قرار يحافظ على حقوق النادي بشأن عقوبة الهارب محمود كهربا وعدم تنفيذها ومشاركته في السوبر أمام الأهلي.
وقال جمال عبد الحميد في تصريحات تليفزيونيه ببرنامج “زملكاوي” عبر قناة “الزمالك”:” أحب أطمن الناس إحنا كمجلس مينفعش ناخد قرار ضد الجماهير، والقرار هيطلع في وقت مناسب بالاعتذار مش بالانسحاب، لما يكون في مشاكل بتعتذر لحين حلها”.
وأضاف: “بطمن كل الجماهير القرار مش هيطلع بالسوشيال ميديا لإن في واحد ممكن يقول لازم نلعب والتاني يقول ننسحب، احنا بندرس الأمور، لوالمشاكل هتتحل نلعب ومتحلتش هنشوف المناسب”.
وأردف عبد الحميد:” إنسحبنا قبل كده مرتين ونفذنا أمام المقاصه والأهلي، اللي بيقوله المستشار بيرجع في كلامه لا احنا انسحبنا ونفذنا”.
وشدد: “لازم الناس تثق فينا اذا انسحبنا فده معناه اننا بنعمل الصح مش بنمشي ورا حد، هناخد القرار وهندرس الأمور، المشاكل إتحلت اوك، متحلتش هناخد قرار مناسب”.
وأشار:” اللاعب الهارب موقوف، مش مهم يلعب لكن بنتكلم على لوائح انت أقرتها وماشيه على الكل، ولكن النادي الخاص ملكش دعوة باللوائح وهجتمع بالليل نفصلك اللوائح”.
وأكمل عبد الحميد: “من سنه الزمالك بيلاعب الاهلي نحت 19 سنه وطول عمرنا الهدف بهدفين على أرض المنافس، وكان الأهلي لازم يفوز3 علشان يأخد البطولة، بالليل صحفي قالي إنهم إجتمعوا بالليل وغيروا اللايحه لو الاهلي فاز بأي نتيجة ياخد البطولة، وهو بعتلي اللائحه اللي يكسب بالاهداف وغيروها علشان الأهلي”.
وأختتم:” اللائحه بتنفذ طول الموسم وبتمشي على الـ17 نادي بس، والنادي الخاص له لائحه بتتفصل له، إذا كان ناشئين غيروا لائحته مش هيغيروا الفࢪيق الاول”.
