وجه مرتضى منصور رسالة ناريه إلى المستشار عادل الشوربجي رئيس لجنة التظلمات بإتحاد الكرة بسبب عدم النظر في إستئناف الهارب محمود كهربا.
وقال مرتضى منصور في تصريحات تليفزيونيه عبر قناة “الزمالك”:” الأخ مدحت شلبي طلبتك أرد بادب وإحترام على كلامك ورفضت، أنا علاقتي بالشركه المتحده أقوى منك ومن شوبير”.
وأضاف: ” إمبارح قال غلط إن التظلم اتبعت باسم الزمالك وباسم مدير النادي، وعاوز أقوله لما جت العقوبه مين بعتها؟ المدير التنفيذي للإتحاد وبعتها لمدير النادي، لما لجنة الإنضباط عاقبتني بصفتي مرتضى منصور في الشارع ولا بصفتي رئيس الزمالك؟ ومين حضر المحامي بتاع النادي ولا محاميه الشخصي؟، لا محامي النادي هو من حضر التحقيق في لجنة الإنضباط”.
وأردف مرتضى: “الجواب اللي بعته لإتحاد الكرة تعبهم لان قولت هنفذ فورا”.
وشدد:”شلبي قال معقول نادي كبير ينسحب علشان لاعب، غصبا عنك الزمالك نادي عظيم وكبير، لكن إحنا بنحترم جماهيرنا لما لجنة للانضباط عاقبت إمام عاشور اتوقف ولا لعب؟ اتوقف وشيكابالا وساسي اتوقفوا، والقرار واضح والعقوبات تطبق على أي مسابقه”.
وأكمل مرتضى:” قرارت لحنة الإنضباط على الكل، معقول ياجماعه هو الزمالك قطه كاوتش بتداس، انتم عاوزين تمشوني علشان واقف لكم وتقولوا حنفي لاحنفي”.
وأشار:” الموضوع بسيط واسهل مما تنخليوا القرار كان يوم17 ابريل والمستشار عادل الشوربجي مع حتحوت قال الاستئناف بينظر بعد 10 ايام يعني المفروض إمبارح هتقول اجازة اجتمع يوم السبت او الاحد انت تقدر تاخد قرار قبل المباراة، المستشار عادل الشوربجي متشلش الشيله، وقول كهربا براءه، إحترام هنعطيله جايزة نوبل في الادب اوقلة الادب”.
وواصل:” ومدحت شلبي يقول ايه يعني تقعد اسبوعين ولا3 اسابيع لجنة التظلمات قبل ما تنظر الاستئناف، نعم ياخويا “.
وزاد مرتضى:” مع إحترامي لخالد الغندور متخافش ياخالد الحل بسيط جدا والدوله عارفه لجنة التظلمات تجتمع بعد الـ10ايام وخصلوا الـ10 ايام وبنحترم القانون ايا كان القرار، إجتمعوا وقولوا براءة او هيتوقف”.
واكمل:” هيروح جواب لإتحاد اما تطلع قرار بايقاف كهربا لان المده خلصت وعندك حل من اثنين لجنة التظلمات تجتمع وتقول كهربا براءة انما عاوز تحرج الدوله، وانت عارف كهربا في ماتش السوبر بالامارات نزل ضرب حازم امام وحصلت مشكله انتم عاوزين ده تاني”.
وأختتم: “بعد الحركه البذيئه اللي عملها كهربا من غير انضباط هل حد يقبل بها؟ ومتخيل ولادنا وجماهيرنا هيكون موقفهم ايه، والولد اللي مطلع لسانه للفيفا ولجنة الانضباط موجود في المباراة، ولو اخر يوم ليا بالزمالك هدافع عن النادي، اعمل الإجتماع وقول إلغاء عقوبته احترام لكم، كهربا موقوف احترام، متحددش موقف الولد ده وقتها لكل مقام مقال”.
