كشف المستشار مرتضى منصور رئيس الزمالك، حقيقة إيقاف عدد من مذيعي وبرامج قناة النادي خلال الفترة الأخيرة.
وإنتشرت خلال الفترة الماضية أحاديث عبر مواقع التواصل الإجتماعي عن إيقاف عدد من مذيعي القناة ومن بينهم نيرة الأحمر ومحمد طارق اضا.
وقال مرتضى منصور في تصريحات في فيديو تم بثه عبر قناة الزمالك: “إحنا موقفناش حد من المذيعين بالقناة، لا إحنا وقفنا البرامج علشان نعمل برامج جديده كويسه ونرجع القناة أفضل من السابق، وإستغلينا شهر رمضان علشان نعمل تقييم “.
وأضاف:” مش ممكن الإجرام ده وفي 70 مليون جنيه محجوز عليهم وكمان 2 مليون دولار، وعرضنا مخالفاته (في إشارة لممدوح عباس)، وقالك بكره هيتحبس وضحكك ساخرًا أنا اللي إتحبست”.
وشدد مرتضى:” بنتي الحاجه أميره محجبه من اولى كليه واتشتمت ومحدش يعرف شكلها عاوز حقها وامير واحمد اتهانوا انا عاوز حقي من الخطيب، أنا نفذت الشهر وعملت بيان إن الحبس إتاخر، فين حقنا وبلاغاتنا ضد الناس دي مش أخته وأخدت شهر وحكم القضاء فوق دماغنا”.
وأردف:” أنا مش بقلب في الماضي لكن عاوز حقي ونفذت الحكم، ورفضت حتى في سري أعتذر للخطيب وقضيت الشهر، ولو حد غيري كان طلع شوه بلده وانا كنت زي كل المسجونين اللي هناك أنا اللي على قوائم الإرهاب كنت مع الإرهابين”.
وأشار مرتضى: “أنا مغلطتش فيك يامحمود ياخطيب انا عاوز حقي زي ماخد حقه، انا مش زعلان من بلدي لإنها هتحضنك مره وتزقك مرة زي ابوك ماكان بيربيك”.
وأختتم:” السجن كان في مياه سخنه وبارده وقناة بي إن سبورت وتكييف مركزي ومفتاح اضغط عليه علشان حد يجيلي بسرعه وبيعملوا عمليات قلب مفتوح وضغطك وسكرك وقلبك انا بتوتر جايين تجربوا الأجهزه فيه، وكان في تعامل منتهى الرقي”.
