“مش عايز حد يركب الموجة”.. مرتضى منصور ينقلب على اللجنة الفنية في الزمالك بسبب أوسوريو وأمير مرتضى – فيديو
أوضح مرتضى منصور أن نجله أمير مرتضى – مدير قطاع كرة القدم في نادي الزمالك- هو من قام باختيار المدير الفني الجديد للفريق الأول، الكولومبي خوان كارلوس أوسوريو وليس اللجنة الفنية التي قام بالإعلان عنها.
وكان نادي الزمالك أعلن في وقت سابق تشكيل لجنة فنية لاختيار المدير الفني الجديد ضمت في عضويتها عدد من نجوم القلعة البيضاء السابقين على رأسهم أحمد حسام ميدو وخالد الغندور وعبدالحليم على وطارق يحيى وأحمد عبدالحليم وحمادة عبد اللطيف.
وقال “مرتضى” :”ببارك لفريق الكرة على المكسب أمام سيراميكا، والمدرب على أعلى مستوى، ومشفتش حد أشاد بـ أمير مترضى منصور، لأنه هو اللى جاب المدرب”.
وأشار :”اللجنة الفنية مكنش ليها دور في اختيار المدرب، اللجنة اختارت المدرب الألماني اللى جه هنا ومتمش التعاقد معاه، وبعده الأسباني اللى مردش عليهم علشان محدش يركب على الموجة”.
وهاجم “مرتضى” منصور هيثم فاروق نجم الزمالك السابق قائلا :” عايز أعرف هيثم فاروق لعب كام سنه في الزمالك، وأنا من 92 عضو مجلس إدارة ومشفتوش في النادي، رغم إني كنت مشرف على فريق الكرة”.
وتابع :”قال أصل الغلط بتاع مرتضى إنه مشى فيريرا ورجعة تاني، وأنا ممشتش فيريرا غير لما الأمور خرجت منه، وجبت أسامة نبيه بعدها اتشتم، وقال مش هقدر اكمل، ورجعنا فيريرا تاني لكن الأمور خرجت عن حدها”.
“أنا مش حنفي”.. مرتضى منصور يثير حيرة الزملكاوية بشأن انسحاب الزمالك من السوبر أمام الأهلي
واختتم “مرتضى ” :” المدرب أوسوريو شفناه بيجري بين الشوطين في الملعب عشان يحلق يدى التعليمات للفريق، وبنقوله دي أول خطوة لسة، وبقول للجماهير خليكم وراه”.
شاهد:
