مفاجأة.. مرتضى منصور يحذر لجنة الكرة في الزمالك من هذا الأمر.. ويشرح دورها مع الفريق!!

أكد المستشار مرتضى منصور رئيس نادي الزمالك، إنه تم تشكيل لجنة كره دائمه، ولها مهام خاصة، وشدد إنها حذر أعضائها من الحديث عن مستوى اللاعبين.

وقال مرتضى منصور في تصريحات عبر فيديو تم بثه على قناة الزمالك:” مجلس الإدارة ليس له علاقه بتقييم لاعب هيكون قرار لجنه الكرة المكونه من كابتن أحمد عبد الحليم وحمادة عبد اللطيف وطارق يحيى وعبد الحليم علي، وخالد الغندور، وهتقييم كذلك المدير الفني، وهم لجنة التقييم نهاية الموسم وبدايته لكن ملهمش دعوة بفريق الكره في خلال الموسم”.

وأضاف: “بقول لجماهير الزمالك الفريق محتاجك في الوقت ده، والتربيه مش بالشتيمه لا بالفلوس سيب المجلس يعاقب والمشرف العام ومدير الكرة يعاقبوا”.

وشدد مرتضى:” اللي قولته عن أحمد عبد المقصود علشان عرفت انه رفض مشاركة دونجا وحسام عبدالمجيد وقالهم انا المدير الفني واختار”.

واردف: “قررنا مفيش مدرب أومساعد مدرب بيشتغل ف نادي هجيب، مش عاوز اعمل مشاكل مع أي نادي اخر، لإن اللي منرضهوش للزمالك مقبلوش على حد”.

وأشار مرتضى:” مجلس الإدارة وافق بالإجماع على تعيين عبد الواحد السيد مدير كره، وفي لائحه اشتغل عليها ميدو وأمير، حضرتك مش عاوز تلعب أحتياطي وهتدخل على الانستجرام أو الفيس بوك وترد على الجمهور هيتخصم منك، ومطلوب تسعد الجماهير ومطلوب مني كل السبل فلوسك ومكافأت هتغلط هعاقبك بالفلوس مفيش لاعب يتوقف”.

واستأنف: “ومفيش جمهور يشتم لاعب في مدرج لا هنخصم منه، لإن لغة العصر الفلوس، وأوربا بيعملوا كده، ومسمعناش ان عبد الواحد راح اتفاوض مع الأهلي وهو رئيس نادي أصلا زميل يعني”.

وزاد مرتضى:” محمد عبد المنصف مدرب حراس مرمى ومعه 2 واحد قلب أسد والثاني دبلوماسي، مدحت عبد الهادي، واحمد مجدي اللي معاه رخصه ومثقف وكنت أتمنى إستمرار أيمن طاهر وحسين ياسر، لكن اللجنة اختارت الاسماء دي”.

وأكمل: “هنعمل شركه كره وأمير مرتضى اصبح رئيس قطاعات الكره بالزمالك، انا كان يهمني الجهاز المصري الاول، وبشكر اللجنه لإنها من 10 ايام شاغلين وواجهتم صعوبات كبيره”.

وتابع:” مجلس الإدارة ممنوع حد يدخل أوضة اللبس ولما كنت بجتمع مع اللعيبه علشان اقولهم إسعدوا الملايين ونفسكم، ممنوع حد يكلم لاعب أومدرب في التليفون نجحوا هنكافئه، انا دوري أوفر فلوس وأحميك من اللي ببشتمك انا لاهلعب ولا امير ولا اللجنه ولا مجلس الادارة”.

واستطرد:” اللجنة دورها تقييم اللعيبه وهيعملوا تقرير نهاية الموسم علشان اثناء الموسم هتكون وجهة نظره واضحه وممنوع يكلموا اثناء الموسم، دور اللجنه اللاعب ده يمشي أويعار أويستمر انا رئيس مجلس ادارة الزمالك مش الكره بس”.

وأختتم: “السيد وزير الماليه حاجز على كل أرصدة الزمالك في كل البنوك، في فلوس بتيجي لنا لو دخلت هتدخل على حجز الماليه حضرتك لك 10مليون ودلوقتي واخد 100 مليون، حضرتك حاجر علينا ليه وبتقول مش عارف اخد فلوسي من ممدوح عباس، انا في ازمه انت حاجز عليا”.