أكد أحمد حسام ميدو لاعب الزمالك السابق، أن الفارس الأبيض سيعمل على بناء كوادر وسيتجه للعلم من أجل تطوير النادي، وشدد أن هدفه هو ومن معه من أبناء القلعه البيضاء هو المصلحة العامه.
وقال ميدو في تصريحات عبر قناة الزمالك:” سعيد بوجودي في بيتي وتواجد هؤلاء النجوم”.
وأضاف: “اتمنى ان جمهور الزمالك يعرف وبقوله الزمالك أخذ إنه هيشتغل بالعلم، وهيبني كوادر، وكل واحد هيكون له وظيفه وهيعرف دوره”.
وشدد ميدو:” وبأكد للجمهور مفيش واحد قاعد وسطنا وله مصلحه، كلنا مش عاوزين حاجه غير خدمه الزمالك بس”.
وأردف:” في أحد نجوم الزمالك بيلومني إن واقف جانب النادي، وقولتله لو كلنا ادينا ضهرنا للزمالك النادي هيغرق، لازم نساعد الناس اخدوا بالنصيحه تمام، مأخدوش نكون علمنا دورنا “.
وأشار ميدو:” بقول لكل الناس اللي مستغربين ان ميدو واقف الوقفه دي، احنا عاوزين نرجع الزمالك لمبادئه ومحدش يدخل الزمالك بقضية أو لجنه ومحدش يقعد على رئاسه الزمالك إلا بالإنتخابات”.
وأختتم:” بفكر الناس تاريخيا واللي بيقولوا ولاد الزمالك ظالمينه، وانا بقول لولا ولاد الزمالك مكنش هيبقى في المكان ده، أنا كنت رئيس قطاع الناشئين وبشهد أن أولاد النادي بيشتغلوا ومش بيقبضوا ومحدش كان بيكلم”.
