كشف أحمد حسام ميدو لاعب الزمالك السابق، عن أسباب عدم مشاركة نجوم الفارس الأبيض في الإعلانات.
وقال ميدو في تصريحات تليفزيونيه ببرنامج “زملكاوي” عبر قناة “الزمالك”:” المعلن عاوز الإنتشار وهل بيستهدف مين، الأهلي إشتغلوا على البراند بتاعهم من سنين وهم أذكياء في الحفاظ على البراند بقواعد ان محدش يخرج عن القواعد دي”.
وأضاف:”الأهلي شاطرين جدا، المهندس محمود طاهر نجح قدام حزب حسن حمدي، رد فعلهم ايه؟، سابوه يشتغل وبعد 4سنين نزلوا الانتخابات تاني”.
وتابع ميدو:” المعلن هيجي لك ازاي وهو مش عارف مين رئيس النادي وممكن يتغير بعد شهرين، لو المهندس ممدوح عباس له حق من حقه يطالب به لكن إنك بتجري علشان تعزل رئيس النادي وتعطل الزمالك، لا أشكك في زملكاويته لكن لازم تراجع زملكاويتك”.
وشدد:” انت بتحتفل بعزل مرتضى منصور، لا انت بتحتفل بالإنتصار على الزمالك، الكل أصدقائي وقت كابتن حسين لبيب كنت بدعمه”.
وأردف:” مينفعش انتم زملكاويه في فرق بين انك بتحاول تجيب حقك أو تعطل الزمالك، الأحكام يتحتفلوا بها؟، بعزل رئيس الزمالك، بسألهم سؤال لو انتم أعضاء في الأهلي أومرشحين لعضويه الأهلي كان هيسمحلك؟ مستحيل”.
وأستطرد ميدو: “انت مختلف مع المستشار مرتضى تعالى وشوف في ايه، انا محبش الكلام العايم يقولك الزمالك بيتسرق هل معك إثبات أودليل ان في سرقه دايما أسهل حاجه تسرق الناس علشان بيدخل في الصفقات واصعب شئ الإثبات”.
وزاذ:” الزمالك في مشاكل وقرارات كان ممكن تتاخد بشكل افضل، في معلنين يتمنوا يكونوا شركاء للزمالك ولكن عندهم تخوف من عدم الإستقرار
وأكمل ميدو: “الناس اللي على خلاف مع مرتضى إختصمه بشخصه لكن تختصمه في الزمالك، الاهلي قوي وبيلعوا مصلحه الأهلي فوق اي حد، تطبيق العداله ف مصر بالجامد ولازم اتعلم”.
وأختتم:” لازم نحارب إن محدش يدخل الزمالك إلا بإختيار الحمعيه العموميه، الزمالك مبيعترضش لظلم في الرعاة لكن مظلوم في حقوق البث”.
