“ماحدث فُجر”.. ميدو يفتح النار على اتحاد الكرة بعد إعتذار الزمالك عن المشاركة في السوبر – فيديو
تحدث أحمد حسام “ميدو” نجم نادي الزمالك السابق عن قرار مجلس إدارة الفارس الأبيض بالاعتذار عن المشاركة في بطولة السوبر أمام الأهلي.
وكان نادي الزمالك أعلن الاعتذار عن المشاركة في بطولة السوبر المصري أمام الأهلي، بسبب تعنت اتحاد الكرة في موقف تطبيق الهارب كهربا.
وقال “ميدو” :”الطريق الوحيد اللى توصل بيه لقلوب الناس في العمل الإعلامي، هو إنك تكون واضح معاهم رغم المنافسة اللى بتكون مع بعض الزملاء اللى مش بيكونوا بنفس الصراحة، والحمدلله الطريقة اللى شغال بيها حققت جسر من الثقة مع المشاهدين والجماهير”.
وأشار :”في الوقت اللى كانوا مسؤلين الزمالك أكدوا على الاعتذار عن السوبر البعض شككوا في المعلومات دي، لكن أنا كنت عارف إن المستشار مرتضى كان شايف الأمر صراع كرامة وكبرياء”.
وأضاف “ميدو” خلال تصريحات لبرنامج “زملكاوي” على قناة “الزمالك” :” خاصة وإن الزمالك تعرض لظلم في الفترة الأخيرة، وكان فيه “فُجر” وعدم احترام لجماهير الزمالك وقيمة النادي، في قضية عقوبة الهارب كهربا”.
وأكد “ميدو” :”مكنش عندي شك إن المستشار مرتضى منصور والمسؤولين في الزمالك، هياخدوا أي قرار يحفظ كرامة نادي الزمالك، والزمالك طول عمره بيطلب حقه فقط مش أي حاجة تاني، لأن الزمالك عارف لو توفرت ليه العدالة هيقدر يكسب أي حد”.
شاهد:
