أكد احمد مرتضى منصور عضو مجلس إدارة الزمالك، إنه لاصحه لما يتردد بشأن رحيل عمر الفولي لاعب فريق اليد، وشدد أنه سيتم التجديد لمحمد مصطفى لعبة نجم الطائرة.
وقال أحمد مرتضى في تصريحات تليفزيونية عبر قناة “الزمالك”:” هنكلم في تفاصيل علشان نوضح للجمهور، من الساعة10 صباحا في إجتماعات بالنادي”.
وأضاف: “إجتمعت بكابتن حمادة عبد الباري بعد مباراة السوبر وبكابتن أحمد الأحمر، وطلعنا التعهد مش ضربا فيهم لا، تأكيد انهم رجاله وانهم عاوزين يشاركوا في البطولة رغم الظروف”.
وتابع مرتضى:” النادي الوحيد في العالم رئيسه بيتوقف وجوه الوقف بيتوقف، ومبناخدش اي دعم وبنجيب فلوس بعرق جبينا، لازم الناس تبقى فاهمه الأمور صعبه والحرب اللي بيواجها النادي من الداخل قبل الخارج”.
وشدد: “كابتن حماده عبد الباري طلب مننا طلبات واعطيناه حرية الإنسحاب وقالنا الزمالك مبينسحبش”.
وأردف مرتضى:” في اشاعه سخيفه اننا هنبيع عمر الفولي وهذا غير صحيح، مسئولي فريق اليد طلبوا طلبات محدده ممثلا في كابتن أحمد الأحمر او حماده عبدالباري وطلبوا يكملوا في البطوله والمستشار مرتضى كلمته وقال واثق فيهم وياما فرحونا وكانوا رجاله”.
وواصل: “عاوز اقول للناس علشان الناس مش متذكره الزمالك اخد الدوري عدد 17 بطولة في اليد منذ بداية ولاية مرتضى في ، 2014 لما استلمنا النادي كان الزمالك بينزل درجه تانيه”.
وأكمل مرتضى:” حبيت أذكر الناس إن في17 بطوله والفريق ده كان طفش ومرتضى منصور رجعه، لان في حمله ان المحلس خرب النادي حضرتك مش مدرك 17 بطولة في 9 سنين”.
وأشار: “ميلكا محترفه الطائرة قالتلي ازاي النادي بيتحارب كده، وايه النادي الغريب ده، الرياضه بقت فلوس، بيقولوا جدد لمايو لاعب السله انتم عارفين بكام ده بـ15 مليون، ولا فاكرين انه 200 الف”.
واوضح مرتضى:” فريق الطائره بيستعد على قدم وساق علشان بطولة إفريقيا، ومكنش ينفع امنعهم يسافروا بعد الفوز بالبطولتين ودي اقل حاجه نقدمها لهم”.
وزاد: “بنجدد تعاقد محمد مصطفى لعبه وفي صفقة لألعاب الصالات هيتم الإنتهاء منها اليوم”.
وأختتم:” الأهلي راح جاب علي زين بـ20 الف دولار، انابموت نفسي علشان اجيب فلوس، الدعم في المنافس بمليارات واحنا مفيش دعم، اللعيبه بتعيط علشان تشاركفي بطولة إفريقيا للطائرة وبالفعل هيسافروا”.
