كشف أسامه نبيه المدرب العام لنادي الزمالك السابق، كواليس مدويه بشأن مفاوضات الفارس الأبيض مع نجله يوسف لتجديذ تعاقده وحقيقة عرض بيراميدز.
وقال أسامه نبيه في تصريحات تليفزيونيه ببرنامج “اللعيب” عبر قناة”mbc مصر”: “عقد يوسف في الزمالك 80 الف جنيه، الناس بتجتهد وقالت إنه قعد مع مسئولي الزمالك وطلب 10 مليون وهذا غير صحيح”.
وأضاف:” في شهر 10 الزمالك عرض 3مليون علي يوسف للتجديد منهم مليون نصف بونص لوحققت بطولة او عدد معين من الأهداف وتم الرفض”.
وشدد نبيه: “وقولنا عقدنا ساري ونوصل نهاية السنه نكلم، وسكتنا من شهر 10 الماضي، انا مكنتش بحضر المفاوضات علشان يوسف يقول اللي نفسه فيه”.
وواصل:” يوسف إشتغل بدايه الموسم وكان منور، أمير مرتضى كلمني قالي علشان هو منور نجدد له عقده علشان ميحسش ان الزمالك تجاهله، قولت اقعد معاه وعرض عليه نفس الفلوس 3 مليون واللاعب رفض”.
واردف: “اتقال لو فضل مستواه جيد هيتم التعديل وقولنا نستنى لنهاية الموسم، حاليا إفرض أوسوريو مش عاوزه هيبقي شكرا، لكن لو له عقد مع الزمالك هيخرج إعاره اوبيع، لان الرجل قال كل المجموعه خاضعه للتقييم، لو مش عاوزه معناه يوسف مشي”.
وأكمل نبيه:” أول إمبارح بالظبط أمير عقد جلسة مع يوسف، وقاله هجهز مقترح تشوفه لما نرجع من الامارات قبل مايتم الغاء السفر، وده كلام يوسف ليا ومفيش وكلاء، وقالوا العرض هيبقى مختلف عن العرض الاول”.
وأشار: “احنا في إنتظار عرض الزمالك ربما يكون جيد”.
وردا على سؤال الإعلامي مهيب عبدالهادي لاسامه يوسف في بيراميدز خلاص؟ أجاب:” لسه”.
