” الزمالك مشاكله أكبر من الظلم”.. رسالة نارية من حتحوت لميدو بسبب تصريحاته الأخيرة!! فيديو

وجه الإعلامي هاني حتحوت، رسالة نارية إلى أحمد حسام ميدو لاعب الزمالك السابق بسبب أحاديثه عن تعرض الفارس الأبيض لمؤامرت.

وقال حتحوت في تصريحات تليفزيونيه ببرنامج “الماتش” عبر قناة صدى “البلد”:” الزمالك معطل، والنادي محتاج يخرج من الأزمات ومن قصه ان المؤامرات السبب، و ميبقاس منغمس في القضايا ومبنكسبش لان في ناس واقفه قدامنا وده هيزعل الزملكاويه دلوقتي مني، وبقول قصة كهربا لست راضي عنها وفيها أخطاء وكل خطأ أدى لخطأ جديد”.

وأضاف: الزمالك مش حله التضامن تحت فكرة المؤامرات، ودي رسالتي للصديق أحمد حسام ميدو وكلمته قولتله انت قبل كده شوفت لك رأي مش هنقعد نقول مؤامرات علشان النادي يستفيق وبندي إنطباع إن طبيعي تخسر، ورد قالي أحنا تحت مؤامرة حاليا”.

وأردف حتحوت: “الزمالك مش كل مشهد يحاول الناس يقولوا ان السبب وجود المؤامرات لإنك ببساطه مش نادي صغير وعندك مشاكل أخري، اه منها الظلم ولكن مش طول الوقت تصدق إن في مؤامرات، الزمالك مشاكله اكبر من تعرضه للظلم”.

وأختتم:” اللجنة الخاصه بالتفتيش بدأت عملها بشكل فعلي في الزمالك اليوم، ودونت بعض الملاحظات وهتستمر علشان ترفع تقريرها للوزارة و تصدر قرار، وده لكل الأنديه مش الزمالك بس”.