” النادي خيره علينا”. محمد صبري يوجه رساله ناريه لنبيه وجعفر بسبب أزمة تجديد نجليهما مع الزمالك!!-فيديو

وجه محمد صبري لاعب الزمالك السابق، رساله ناريه للثنائي فاروق جعفر وأسامه نبيه نجمي الفارس الأبيض بسبب أزمة تجديد نجليهما مع القلعة البيضاء.

وقال محمد صبري في تصريحات تليفزيونيه ببرنامج “زملكاوي” عبر قناة “الزمالك”:” انا مش بزايد على حد، لكن لو إتحطيت في الموقف ده، حق اللاعب يقرر مصيره ويشوف الانسب له، ولكن لما أبوه يكون ساهم في شعبيه النادي زي فاروق جعفر، وخيره عليه وغير حياته زي أسامه بالتالي يكون ابنه موجود في الزمالك”.

وتابع:” أولا انا محلمش وأتمني وأحلم ان ابني يكون في الزمالك، النادي اكيد هيدفع فلوس كون الفلوس اقل من نادي تاني مش هبص اصلا للموضوع ده”.

وشدد صبري:” انا مش بعاتب يوسف لا بعاتب أسامه نبيه نفسه، المفروض مفيش تفاوض ده خير الزمالك علينا وكلهم اتولدوا واتربوا من خير الزمالك، الولد كبر واتعجن بالزمالك”.

وأردف:” لو هيجي لي 1000جنيه من نادي ثاني والزمالك 900 أختار الزمالك”.

وأختتم: “انا بكلم أسامه وكابتن فاروق، يوسف وسيف عاوزين يكون معهم فلوس ومقدر ده، لكن العتاب علي أسامه وكابتن فاروق ان مفيش مسمحش من الأساس ان يكون في تفاوض دول ولاد الزمالك مش ولادهم”.