“بتتشفى في بنت قد ولادك”.. مريم مصطفى تلقن العامري فاروق درسًا قاسيًا بعد إستهزائه بها!!-فيديو

أكدت مريم مصطفى نجمة فريق طائرة سيدات الزمالك، أنها تعرضت لكم من الهجوم وصل إلى حد التشفي في إصابتها من قبل مسئولين كبار في إشارة الى العامري فاروق عضو مجلس إدارة الأهلي.

وقالت مريم في تصريحات تليفزيونيه عبر قناة “الزمالك”:” انا نسيت كل حاجه حصلت لي، من8 شهور بتعرض لخوض في أعراض وشتيمه فيا وفي أهلي وحتى امبارح مسابونيش، والقدر مأسعفنيش اكمل الموسم بسبب الإصابة لكن كل همي الفريق يكسب وكان اهم حاحه نكسب وربنا وفقنا “.

وأضافت: “من وقت الإصابه الجمهور مدعمني والنادي في ضهري ومن ساعة ما إنتقلت للزمالك”.

وأردفت: بنتعرض لحمله وفي ناس بتشتمنا وتشتم والدتي وكلها حسنات، لما خسرنا الدوري مسئولين كبار بيكلموا عليا في السوشيال ميديا وقولت الله ربنا مش هيسبنا”.

وشددت مريم:” بتقبل من الجماهير لأنهم مش فاهمين ولكن يكون مسئول وكان ماسك منصب كبير في الدوله ومنزل صوره يعتبر ليا وانا شايفه المصور بيصورني وبتفرج على الماتش اتفاجئت المسئول منزل صورتي وكاتب الف مبروك لاحسن ليبرو، حقك تبارك لأحسن ليبرو، لكن ليه تدخلني؟، وليه تشتم بنت قد اولادك وبعكازين وتتشفى في اصاباتي، وكل البنات بالاهلي بيسألوا عليا، انا اخذت احسن ليبرو في افريقيا 4 مرات ومش محتاجه اغل”.

وأشارت: “بيقولوا بنغل وبنبص لهم، وفريدة العسقلاني زملكاويه واتعرضت لكم شتايم كبير، كلنا اصحاب احنا مشينا من الأهلي بمزاجنا مشكلتي ان مامتي هناء حمزة”.

وأوضحت مريم:” كان قرار صعب إنتقل للزمالك، ومضيت على بياض في الأهلي علشان والدتي، وكنت بتظلم اخر سنتين بسبب والدتي وكانوا بينتقموا منها فيه، قررت انتقل ومش هسكت وهنتقل للزمالك
اول حاجه دي مامتي هتتمنى ليا الخير وطبيعي انها تبقى فرحانه علشاني ومنصبها بيخليها حياديه”.

وأختتمت:” اخوات مريم متولي دول اطفال بيشجعوا اختهم ولاعيب ولاحرام، مبسوطة ومندمتش ثانيه واحده بانتقالي للزمالك، والإشاعات اننا ندمانين ومبناخدناش فلوسنا، احنا مقدرين ومكملين، الناس قدرونا وفي ضهرنا، ومرتاحين في النادي، والاشاعات ان أحمد مرتضى قال هتمشوا كل ده غلط، احنا كلنا مش ندمانين وفخورين باللي قدمناه الحمدلله”.