بعد الفوز بكأس الكؤوس.. مدرب يد الزمالك يفتح النار على حسام غريب ويوجه رساله مؤثرة للجمهور

فتح أحمد رمضان “هتلر”، المدير الفني للفريق الاول لكرة اليد بالزمالك، النار على حسام غريب رئيس جهاز اليد بالنادي.

وقال هتلر في تصريحات تليفزيونيه ببرنامج” البريمو”عبر قناة” Ten”:” انا لعبت بالزمالك لمدة20سنه وكلها بطولات، أول مره انا واللعيبه نكون تحت ضغط، وده اسوء موسم وخسرنا بطولات كثيرة”.

وأضاف: “مجلس الإدارة مشي المدير الفني الاجنبي وجابني مدير فني وقولت للعيبه هنشيل ولا هنعمل إيه؟ كل الفريق رجاله وهم أخواتي وباخد رأيهم في كل حاجه”.

وشدد هتلر:” الحمدلله إنك تكسب بطولة إفريقيه من الأهلي على صالته وفي ظل الكوكبه الموجوده بالمقصوره فدي بطولة صعبه جدا جدا، وطبعا شرف وجود كابتن حسن مصطفى وكابتن محمرد الخطيب”.

واردف: “بعض الناس من الهاند بول بالزمالك مش صابرين ويكلموا على الفريق وهو عنده بطولة، ويقولوا لازم ناس تبطل وناس تمشي، بخص بالكلام الكابتن حسام غريب اخويا الكبير وزعلي منه حاجه كبيره ان يكلم على الفريق وان العيبه وحشه وبتمشي اللعيبه أثناء البطولة، وده أعطى إصرار للاعبين إنهم يثبتوا إنهم أحسن فريق”.

وأكمل رمضان:” جمهور العاب الصالات كانت بتهاجم حسام غريب فطلع يتكلم، رغم انه رئيس جهاز الهاند بول ومن شهر10 محدش شافه في النادي، ومستقالش فين الإستقالة اللي قال قدمتها، وقبضه بيوصله لحد البيت، هو اتكلم علشان مبيعملش حاجه للعيبه ولابيقاتل مع مجلس الادارة علشان اللعيبه تأخذ مستحقاتها”.

وأشار: ” اول فلوس اللعيبه تاخذها كانت قبل الدوري مقدمات العقود، احنا كمدريين من7 شهور مقبضناش بس ده نادينا نتحمله، احنا بنقاتل لوحدنا السنه كانت صعبه بالنسبه لنا”.

وأكد مدرب الزمالك:” الواحد يبان وقت الشده، لوكانت البطولة راحت كان تاريخ هاند بول الزمالك انتهى، علشان نرجع البطولات لازم ولاد الزمالك من الهاند بول تتجمع،وهنتعاقد مع لعيبه جديدة وهتشوفوا فريق مختلف علشان نقدر نكمل وجمهورنا هة الوحيد اللي إتحملنا”.

وأكمل: “الجمهور كان خسران كل حاجه ومع ذلك واقف في ضهرك وولاد الهاند بول لا، وانت تعبان اللي وقف معك مين؟ هو الجمهور الوحيد اللي وقف معنا كلنا بنأخد مرتبات جمهورنا هو الوحيد اللي بيدفع”.

وأختتم:” أحمد الأحمر موهبه لن تتكرر وهيكمل، الهاند هو الزمالك والأحمر هو الهاند بول، الوحيد اللي عمل طفره واسم للزمالك هو أحمد الأحمر”.