كشف طارق يحيى، لاعب الزمالك السابق أسباب تراجع الفارس الابيض، وعدد الصفقات التي يحتاج إليها الفريق الموسم المقبل.
وقال طارق يحيى في مداخله هاتفية ببرنامج “ملعب أون تايم” عبر قناة “أون تايم سبورتس”:” هنتكلم بعقلانيه شويه، عناصر نجاح أي نادي تتمثل في إداره مستقره وفلوس تقدر من خلالها تتعاقد مع لاعبين على مستوى عالي وجهاز فني كبير”.
واضاف: ” لازم يكون في 3 أمور متوفره لنجاح الفريق تشمل الجوانب الفنيه والنفسيه والبدنيه، وحط تحت النفسيه 100 خط، أي عنصر بيقع الدروب بيحصل للفريق”.
وتابع يحيي: “الزمالك من4 شهور قبل مباراة أسوان كان أول الدوري، وبعدها حصل عدم إستقرار، أولا الإدارة غير مستقره ورئيس النادي اتسجن ورجع واتعزل”.
وشدد:” دايما عدم الإستقرار بدايه كل موسم وقت الإستعداد والتجهيز للموسم الجديد، هل العناصر دي موجوده بالزمالك؟، انا عندي تيم عالي جدا بس مفيش إستقرار وده عملهم عدم شعور بالأمان ونفسيا وقعوا”.
وأكمل يحيي:” أسباب التراجع في المستوى هي عدم الإستقرار النفسي للاعبين، الجهاز الفني السابق جايب محمود شبانه وهو كان مكسب الإتحاد وجت قصه القيد واللعيبه أحبطوا وأتقيدوا وملعبوش المستوي تراجع وماخدوش فرصه حقيقيه مع فيريرا، ولما يجي يلعبوا دلوقتي هيكونوا في قلق وتراجع بالمستوى”.
وواصل:” أنا بكلم في وقائع، انا بستمد قوتي من الإستقرار الموجود، في ناس بيقولوا سيبتوا طارق حامد وإمام عاشور يمشوا، محدش سابهم، وهم أختاورا، مفيش فلوس كتير هنا، ومش عاوز أقول مشيوا غصب عن الإدارة، لما اقعد أحاول أقنع إمام ومش عاوز يقعد، ولو قعد مش هيأدي”.
وأردف: “طارق حامد كان طالب 10 قروش، والمستشار مرتضى اعلن هديك مبلغ متقارب وقال مش عاوز وهمشي، اوباما مشي بسبب ضغط جماهيري”.
وزاد طارق:” في لعيبه مبتقدرش تتحمل الضغوط، انت معندكش العناصر اللي تنجح المنظومه بالزمالك، انا مش بعطي شماعة للعيبه، انت بتجيب لاعب متألق في ناديه وشخصيه كويسه وتحطه بالأهلي مثلا ويفشل، الأهلي أشترى لاعيبه وفشلت لأن في إختلاف بالجماهيريه بين الأنديه وفي لعيبه بتتحمل الضغط ولعيبه لأ”.
واستطرد:” الزمالك محتاج في مراكز معينه، و بالكثير محتاج من4 أو5 لعيبه لأن عندي لعيبه كويسه وناشئين”.
وأختتم:” روقا بقوله متسمعش لحد أنت لاعب كويس، وزي ما الجمهور بيشيد بيا هينتقدني، ومفيش لاعب يقدر يقف قدام الجمهور واتمني يهدي نفسه ويركز مع الفريق”.
