“كتاب الكره مبيقولش كده”… سيف زاهر يفتح النار على ثنائي الزمالك بعد التعادل أمام الداخليه!!

فتح الإعلامي سيف زاهر، النار على الثنائي أحمد مصطفى زيزو ومحمد صبحي لاعبا الزمالك، بعد تعادل الفريق أمام الداخلية.

وقال سيف زاهر في تصريحات تليفزيونيه ببرنامج “ملعب أون تايم” عبر قناة “أون تايم سبورتس”:” جبت الكتاب بتاع كرة القدم علشان أشوف مانيوال ضربات الجزاء، مفيش فيه حاجه بتقول إ لاعب غير موفق يشوط”.

وأضاف:” مفيش حاجه تقول إن زيزو يشوط ضربات الجزاء وهو مش موفق، لازم تدي الفرصة لحد تاني، لكن انت أحرزت اوضيعت هو هو الي بيشوط، يبقى انا بضغط عليك كمدرب والجمهور بيضغط عليه”.

وشدد زاهر:” عدد ضربات الجزاء اللي ضاعت من زيزو كتير ضيع 4 من7، هو غير موفق، انت كمدير فني قوله انت رقم 3 أو4 علشان تحافظ عليه، وميروحش منك
المشهد غريب”.

وأردف: “تعادل بطعم الهزيمه لفريق الداخليه اه بيلاعب الزمالك الكبير لكن هو فريق محترم”.

واختتم :” شوفت صبحي 35 مره، محمد صبحي مابين بيصد او العارضه شغاله اوترد في ايده باصدفه ومش عارف يعمل ايه، والله والله مش حاجات عدم تركيز، ايه الدفاع ده؟ ومحمد صبحي ايه الطلعه دي طالع تعمل ضربة جزاء ببلاش”.