وجه الأعلامي خالد الغندور، رساله هامه لجمهور الزمالك بسبب ما يتعرض له النادي من أزمات وشائعات تؤثر على الفريق.
وقال خالد الغندور في تصريحات تليفزيونيه ببرنامج “زملكاوي” عبر قناة “الزمالك”:”قيل ان في حل ان اموال الزمالك يتم إيداعها بالبريد المصري، ولكن المستشار مرتضى قال ان مايحدث في الحسابات البنكيه من حجز يسري على البريد ايضا”.
وأضاف:” عاوزين نبني الفريق، عاوز جمهور الزمالك يكون سعيد بالفوز، ويعطي 100 ألف عذر، انت مبتأخدش ثلث رعايه اللي بينافسك ولا المسانده الاعلاميه”.
وشدد الغندور:” الزمالك بيدبح إعلاميا وكل لعيبتك راحت الأهلي في كل الإعلام، لحد ما طلع واحد زي ساسي وقالي مفيش عروض من الأهلي رغم كلام الإعلام انه كان بيتفاوض معه”.
واردف: “لاعبي الزمالك معندهاش دوافع، ورب ضارة نافعه ممكن دخولنا الكونفيدراليه ننافس فيها ونأخذها، وتبني فرقتك والأمور المالية تتحل، ولازم ندفع مليون دولار وشويه علشان غرامه شيكابالا، وعندنا مشاكل ولازم يكون في إستقرار إداري”.
وأكد الغندور:” لازم الزمالك يقف على رجله ومحدش هيوقفه غير جمهوره، لان محدش عاوزه يقف، متبقوش انتم العامل اللي يوقعوه”.
وأختتم: “اوسوريو مش ساحر ولاهو سبب النتائج السلبيه منذ بدايه الموسم، أوسوريو تولى تدريب الزمالك وانت في المركز الـ5، ولازم يأخذ فرصه لان طريقه لعبه محتاجه لعيبه معينه”.
