مفاجأة.. لجنة الكرة بالزمالك توضح حقيقة رفض طلبات اوسوريو بشأن صفقات الموسم الجديد!!-فيديو
كشف جمال عبد الحميد عضو مجلس إدارة الزمالك ومنسق لجنة الكرة بالنادي، حقيقة رفض اللجنة طلبات الكولومبي خوان كارلوس أوسوريو المدير الفني لفريق الكرة بشأن صفقات الموسم الجديد.
وقال جمال عبد الحميد في تصريحات تليفزيونيه ببرنامج زملكاوي عبر قناة الزمالك: “هذا الموسم اخدنا 4 بطولات في ألعاب الصالات، وان شاء الله متبقي بطولتين في الطائرة، ممكن الكره مش موفقين فيها ولسه عندنا فيها بطولتين ممكن نحققهم”.
وشدد:” بطلب الجمهور يكون خلف الفرق الرياضيه بالزمالك، وشجع بجد ومتتكلمش على أي لاعب إلا بنهاية الموسم، متستعجلش، في لعيبه ممكن تمشي وآخرين يطلعوا إعاره، المدرب هيحدد عاوز إيه، زي ما فيريرا هو اللي إختار الصفقات وهنشجعهم لنهاية الموسم”.
وأضاف عبد الحميد: “في خبر غريب إن لجنة الكره إختلفت مع أوسوريو ورفضت تحقق طلبه، مين لجنة الكرة؟ انا منسق لجنة الكرة ومعايا نجوم كبار، اللجنة إجتمعت إمتى مع أوسوريو علشان نرفض له طلب، انت ليه بتكذب؟، راعوا ربنا”.
واردف:” النهارده إتبعتلي انتم رفضتوا لاعب من كولومبيا رشحه اوسوريو، احنا مقعدناش مع أوسوريو علشان نرفض، احنا حاطين عنينا على لعيبه وهنعرضها عليه، لكن لاقعدنا معاه ولاطلب مننا لعيبه ولا احنا رفضنا، سيبونا في حالنا وسيبونا نشتغل والرجل أقوى سيرة ذاتيه كمدرب”.
وأختتم: “أرجوكم فكوا الحجز عن أرصدة الزمالك علشان نقبض الناس واللاعبين والمدربين ونكون زي المنافس”.
