أكد محمد حبشي وكيل الكولومبي خوان كارلوس أوسوريو، المدير الفني للزمالك، إن المدرب لم يتحدث في أمر صفقات الموسم الجديد ولم يطلب تدعيم مراكز بعينها أو رحيل لاعبين.
وقال محمد حبشي في تصريحات تليفزيونيه ببرنامج “أسبوع الكره” عبر قناة “أون تايم سبورتس”:” من خلال متابعة أوسوريو للكرة المصريه وتواجده حاليا عن قرب هو يرى ان هناك مواهب كثيره بالدوري المصري، واللاعبين لديهم قوة وسرعه والكل بيقاتل لإثبات نفسه”.
وشدد: “أوسوريو عاوز يوصل فلسفته و أسلوبه وافكاره للاعبي الزمالك، ويعمل على ذلك، لكنه محتاج وقت علشان يظهر كل مايفعله”.
وأضاف حبشي:” أوسوريو يحتاج 8 مباريات علشان الأمور تكون واضحه، واللعيبه تحفظ أسلوبه وأفكاره ويظهر شغله في الملعب”.
وشدد: “من الأمور الأساسيه بالنسبه لأوسوريو الجوانب البدنيه، وفي نواقص موجوده عند لاعبي الزمالك ومحتاج يطورها وشغال عليها ومفيش مساحه وقت كبيره فهو بيحاول يعمل الجزء البدني والفني”.
وواصل حبشي:” لسه بدري إنه يحدد الصفقات، هو لسه بيشوف اللعيبه الموجوده وبناء عليه هيحدد اللي محتاجه، ولم يحدد مراكز لتدعيمها”.
واختتم:” الكولومبي بيحاول في الدوري يوصل لأبعد نقطه، والزمالك نادي كبير بينافس على أي بطولة، هو لسه بيشوف كل اللعيبه علشان يحدد الراحلين أو الصفقات الجديده وبيشتغل مع كل اللعيبه فردي وجماعي، اوسوريو مبسوط بالتواجد بالزمالك وعاوز يكمل التجربة”.
“لسه بدري على الصفقات”⏲.. حديث هام من وكيل الكولومبي أوسوريو المدير الفني للزمالك عن رؤية المدرب لمشواره مع القلعة البيضاء 👇#أسبوع_كورة pic.twitter.com/502XFDvtJY
— OnTime Sports (@ONTimeSports) May 12, 2023
