“وحُوش”.. سيف زاهر يستغل إنجاز بنات طائرة الزمالك في إفريقيا لتلقين فريق القدم درسًا قاسيًا!!
شن الإعلامي سيف زاهر، هجوم حاد على فريق كرة القدم بالزمالك بعد التعادل أمام الداخليه، وأستشهد بإنجاز فتيات الذهب بحصد لقب إفريقيا للكرة الطائرة لتلقين لاعبي القدم درسًا قاسيًا.
وقال سيف زاهر في تصريحات تليفزيونيه ببرنامج “ملعب اون تايم”عبر قناة “أون تايم سبورتس”: “بصراحه في منتهى الحزن على أداء ولاعبي الرمالك، واحد يقول الصفقات ومرتضى وأمير، القصة مش اكله معايا، مرتضى منصور وأمير موجودين اومشيوا الناس دي عملوا فرق وكسبوا بطولات وجابت افضل لعيبه والصفقات كنا بنسقف عليها محدش قال على الصفقات حاجه وقت التعايد معها”.
وتابع:” مش بعد كل مباراة اقول مرتضى وأمير السبب، هم جابوا لعيبة كبيره ولكن الأداء في الملعب مش لعيبه كبيره، في حاجه غلط ومتقوليش الظروف ومفيش فلوس انت ليه راضي لنفسك كده؟ اعتبر نفسك بتلعب خماسي مش هتقبل انك تخسر، الناس مستسلمه خالص ايه ده؟ “.
وأكمل زاهر:” لما مرتضى كان موجود وخصم من مستحقات اللعيبه ده صح الصح، مينفعش اللي بيحصل”.
وتابع؛: “اللعيبه تقولك في ظروف انا بقول العبوا علشان الجمهور الفلوس كده كده جايه، لو أخدتها قاعده في الظروف الصعبه اللاعب بيتأثر ومبيجبش بطولات وانت لاعب لابس تيشرت الزمالك، اقول ايه لفريق البنات اللي رايح يلعب في افريقيا؟، اقولهم متروحوش”
واردف زاهر: “اللعيبه في الأزمات بتتصور متضايق وبيصدر مشهد للجمهور، انا من يومين بتابع فريق الطائرة بنات وبشوف فيديوهات عاوزين يصدروا مشهد احنا بنضحك، بصراحه وحُوش يستاهلوا التحيه مشوفتش تويتات الظروف وحاطين أغاني واحنا ابطال الشغلانه”.
وأختتم:” دول ابطال ونجوم وبنبارك لفريق الطائرة بنات بعد مافازوا على بطل كينيا، وأخذوا بطولة إفريقيا، عندهم نفس المشاكل لكن عندهم حاجه مختلفه لابسين تيشرت الزمالك وقالوا لازم نلعب ونجيب البطوله وبنشجع نفسنا عاملين عظمه، لاعبي كره القدم لازم يقفوا مع نفسهم ويشوفوا انهم مقصرين في حق نفسهم”.
