علق أسامه نبيه المدرب العام السابق للزمالك، علي قرار الكولومبي خوان كارلوس أوسوريو المدير الفني للفارس الابيض، بشأن تجميد يوسف اسامه ومنعه من خوض التدريبات الجماعيه بعد أنباء توقيعه لبيراميدز.
وقال أسامه في مداخله هاتفية ببرنامج “اللعيب” عبر قناة “mbc مصر”:” قلت قبل كده إن إحنا تلقينا عرض تاني من الزمالك ومجلس الإدارة كله قدم إستقالته ومفيش حد اتكلم معه”.
وأضاف: “معرفتش أتواصل مع حد بخصوص العرض وتواصلت مع كابتن عبدالواحد وقالي هسأل وأرجعلك ومتواصلش معيا لإن السؤال هيسأل مين، تواصلت معاه تاني وقالي انا التجديد مش مسئوليتي”.
وشدد نبيه:” بعدها بيومين الرجل قال ليوسف حدد موقفك هتبقي موجود او لا، ومش هتدرب مع الفريق لحين حسم الموقف مع الإدارة، إستغربت من رد فعل المدير الفني ورد يوسف كان طبيعي وقاله هكلم مين علشان التجديد، والوضع مش مستقر، أوسوريو قاله لا مش هتبقي معيا لحد ماتحدد موقفك”.
وتابع: “بالنسبه ليا المدرب الأجنبي بيستفيد باللاعب لآخر وقت، ومحدش عنده تاكيد انه وقع لبيراميدز وبيقولوا انا قلت انه وقع، انا اللي قلته في عرض وكلام والناس بتأكد انه مضى، وعبد الواحد قالي انا مش مسئول عن التجديد”.
وأشار نبيه:” احنا اتعرض علينا عرض ثاني من الزمالك وعاوز تكلم فيه هكلم مين؟، آسف لو الرجل ميعرفش مين انا، اللي حواليه يعرفوه والمساعدين والمسئولين عن الكره واي حد يقوله انا مين، ده تصرف غير إحترافي لما جاء عرض في لاعب بيلعب بيعناه اللي هو امام عاشور”.
وواصل: “يوسف اتمرن امبارح لوحده والنهارده وغالبا هيتمرن فردي، يوسف مش هينقطع ولو مش عاوزه يتمرن يكتبله ورقه بكده”.
وأستطرد:” بعض زمايلنا بيزايدوا وبيقولوا خير الزمالك علينا كلنا اه خيره علينا، احنا لما جينا نتناقش في بنود العقد الجديد هنقعد مع مين؟ وده العرض لما كان امير موجود، هنتناقش مع مين في العرض، امير مرتضى مظهرش وعارف انه مش في النادي”.
وزاد: “ثاني وثالث احنا موجودين اهو لورحابين نتكلم نتكلم مع مين؟، اناشوفت الحاجات كتير في الكرة المصريه، ومش مشكله وجهة نظر المدير الفني، وهو أجنبي ومعرفش مين وصله الكلام ومش عاوز اظلم، المفروض حد يقوله الفيفا بتقول مينفعش لاعب يتجمد ويتمرن لوحده واكيد عارف انه مينفعش”.
وأختتم:” الموضوع بسيط إحنا عاوزين نقعد هنقعد مع مين؟ هنتتاقش مع مين؟، بالشكل ده هيبقي الموضوع خارج العلاقه”.
