“عشرية سوداء مين يا ابني”… أحمد مرتضى منصور يهاجم منتقدين الإدارة بتصريح مفاجئ وغير متوقع!! – فيديو

رد أحمد مرتضى منصور عضو مجلس إدارة الزمالك على منتقديهم بسبب عدم نحقيق بطولات هذا الموسم على مستوى فريق الكرة وتراجع النتائج.

وقال أحمد مرتضى في تصريحات تليفزيونيه عبر قناة “الزمالك”:” احنا واخدين 12 بطولة في 9 شهور، الزمالك اتحارب كتير، المفروض ميتحاربش من ولاده كمان”.

وتابع: “تعالى شوف المنافس الإنتخابات بتخلص محدش بيكلم انما احنا المعارضين والمنتفعين بيهاجموا، انا عرضت على كابتن هشام نصر يكون مسئول على فرع أكتوبر مكاني رفض، ويكون ومسئول عن الهاند بول رفض بتكلمونا ف ايه”.

وأضاف:” بيقولك العشريه السوداء، عشريه ايه يابني انا زهقت من البطولات، كل سنه بطولة او اثنين”.

وشدد مرتضى: “انا بشتغل وبيطلع عيني، ومتقولش ان انا ابن مرتضى، انا من احسن 20 عضو مجلس ادارة بالزمالك”.

وأردف:” هشام نصر قال مشتغلش معاه انزل الإنتخابات وانجح، مش تفشل في الانتخابات وتهاجمنا، المجلس امن سنه ونصف بس اللي يمشيني الجمعيه العموميه انتم صبرتوا على ممدوح عباس بدون بطولات احنا واخدين في الكره14 بطوله”.

وأختتم:” انا رجعت عضو مجلس ادارة منتخب ، ومش مشرف على حاجه، اللي جابني الجمعيه العموميه مرتضى نفسه ميعرفش بمشيني، بقول للناس وصلني نبضكم وان في منتفعين واليوتيوبرز هم السبب علشان بياخدوا فلوس، بيهاجموا، في بلوجر ناس محترمه زي الدحيح انت ممكن تعمل محتوي مفيد، لكن انت تقول كلام خزعبلي”.