علق المستشار مرتضى منصور المعزول من رئاسة الزمالك، على طعن هيئة قضايا مجلس الدوله على قرار عزله من رئاسة الفارس الأبيض.
وتقدمت هيئة قضايا مجلس الدوله بطعن على قرار وزارة الشباب والرياضة بعزل مرتضى منصور من رئاسة الزمالك، بناء على حكم قضائي صادر من محكمة القضاء الإداري بعد حبسه في قضية وسب وقذف محمود الخطيب.
وقال مرتضى منصور في تصريحات عبر قناة “الزمالك”:” أولا طبعا اللي كتب الطعن مستشاري الدوله، دي هيئة مستقله مفيش حاجه اسمها محامي الدوله، لا مستشار الدوله، الدوله بتستشيره في موقف قانوني ومعين وبينصح الدوله تعمل ايه”.
وأضاف: ” المذكره اللي قدمها مستشاري الدوله هي نفسها اللي كتبها مفوضي مجلس الدوله، وبتقول ان قرار العزل غلط، لإن وفقا للقانون الجمعيه العموميه هي صاحية الحق في عزل رئيس النادي، لإنه جاء بالإنتخاب”.
وأختتم:”ولازم الناس تعرف حاجه القاضي الجليل اللي اخد قرار عزلي عضو بالزمالك، وعمري ما كلمته، والقضاه أصحاب قرار سجني اعضاء في النادي وانا الي عملت لهم العضويه، وابن أختي شغال قاضي في المحكمة الإقتصاديه وعمري ما اتكلمت ان حد يتوسطلي”.
