” امتى الزمالك يبقى فوق الجميع؟ ” أحمد مرتضى منصور يفتح النار على رموز النادي .. جبتوا فلل وركبتوا عربيات !! – فيديو

فتح أحمد مرتضى منصور عضو مجلس إدارة الزمالك، النار على رموز النادي وذلك بسبب الهجوم الدائم على مجلس الإدارة ومرتضى منصور.

وقال أحمد مرتضى في تصريحات تليفزيونيه عبر قناة “الزمالك”:” الزمالك طبيعته مختلفه عن المنافس، لقيت واحد بعتلي أسماء لعيبه ببقولي دول تاريخ النادي، لا النادي هو التاريخ، المنافس معندوش فرد هو التاريخ، الرمز الحقيقي النادي احنا عندنا للاسف بنخترع اسماء، الرمز هو النادي وهو اكبر من اي شخص وعاوزين نعمل الزمالك فوق الجميع”.

وأضاف: “كل الرموز بيستفادوا من النادي وجابوا فلل وعربيات، سألت كابتن حماده عبدالباري مين خيره على التانذ النادي ولا اللاعب؟، قالي لا الزمالك خيره على الجميع حتى انا، وياريت نغير نغمه انا اديت للنادي لانه اداك اكتر”.

وشدد مرتضى:” للأسف رئيس النادي شخصيه عامه وله جبهه ضده، مش جوه كمان، هو بيحارب المنتفعين هو ابتدى يكلم عن الذمة الماليه والمنتفعين، في جيل طلع يقلده ويقول الذمة الماليه ده محدش يقدر يقول ان مرتضى منصور استفاد حاجه من الزمالك، وممكن اعملك اقرار ذمه ماليه كنت داخل ازاي وبقيت ازاي”.

وواصل:” انا واقعي لما احس ان مش هقدر اعطي حاجه بقولك خلاص كفايه، كل املي احقق افريقيا وابني النادي واكون حققت كل حاجه، لان حققت بطولات وتعاقدات مع لاعبين كثر”.

وأكمل مرتضى:” في واحد بيتنقد لانه شايف ان في غلط وبيتنقد باجترام لانه مالوش مصلحه، وواحد عبيط، وواحد منتفع وعاوز ياخد جزء وعاملين لجان وعالم افتراضي”.

وأختتم: “لوهما سابونا بدون رغي انا مش هزهق وهكمل وحلمي ان احقق بطولة افريقيا وابني الفرع الجديد، لوسابونا في حالنا النادي هيكمل مراحله، والزمالك مش حكر عليه ويسيبونا نسلمهم النادي واقف على رجله زي ما اخدوه في 2020 واصل نهائي إفريقيا”.