“انت مش شايفهم”.. رساله ناريه من مرتضى منصور لوزير الرياضة بسبب تصريحات القيعي ومرتجي وقناة الأهلي!! – فيديو

وجه مرتضى منصور، رساله ناريه لوزير الشباب و الرياضة أشرف صبحي، بسبب تصريحات خالد مرنجي أمين صندوق الأهلي وعدلي القيعي وقناة الأحمر بسبب تصريحاتهم ضد الزمالك.

وقال. مرتضى منصور في فيديو تم بثه عبر قناته علي “اليوتيوب”:” اعتذرت انا واحمد وامير عن الإستمرار في الزمالك وقعدنا في البيت، شوفنا الويل انا وولادي بالنادي، انا اتسجنت “.

وتابع:” عندي عتاب على النائب العام احنا بنتشم 24 ساعة احنا وأسرنا في 240بلاغ عند رئيس نيابه العجوزه ليه البلاغات ضد الخطيب مبتتحركش، وبيشتم انا بكلمك كمواطن مصري لارئيس نادي ولاعضو برلمان بسأل فين البلاغات”.

وشدد مرتضى: “معالي وزير الشباب والرياضة، هو مش انا قبل ما اطلع من السجن، عملت بيان، وقولت من بكره اللي هيغلط غلط صغير حتى هيتحاسب، أنا طلعت ومغلطتش في حد، أنت مش شايف عدلي القيعي بيقول ايه مش شايف خالد مرتجي بيقول ايه مش شايف قناه الأهلي، وكذلك الأستاذ كرم جبر حضرتك فين من اللي بيحصل، ولا هو البيان كان طالع ليا أنا بس؟”.

واردف:” أتمنى الكفه تتعدل، انا عاوز الماتش ده البنا، مش ده البنا اللي بوظ السوبر وركبك على بيراميدز، طيب اناعاوز القفل والكاشف، حاضر ياباشا انت تؤمر، ايه المشكله، طيب من فضلك يا إتحاد الكره محمد عادل واخد موقف من الزمالك يحكم له، والبنا واخد موقف مننا”.

وأشار مرتضي:” انت فين ياحازم ياإمام، انا لومنك استقيل انت مسئول عن الكره انت اللي سايب ناديك يتبهدل، وهم بيتعمل معهم ايه، ابن شوبير طلع فوق الواد الاجنبي ومحدش كلمه، مش كده، ده ياسر ابراهيم اللي كان في الزمالك يقول في ظلم، دلوقتي بيزعق للحكام محدش بيقرب منه”.

وأختتم: “جمهور الزمالك مطلوب العدل ينفع قناة اون فيها شوبير عاملها قناة الأهلي وإبراهيم فايق ومدحت شلبي عاملنها للاهلي، هو كده في الدنيا؟، ابعت جواب رسمي اقولكم ذيعوا بطوله افريقيا للطايره اللي في تونس ترفض وتذيع لسلة الأهلي، ومش عاوز الزملكاويه يحسوا بالقهر”.