طالب إكرامي الشحات نجم الأهلي السابق، إدارة الأحمر بضرورة منع المعلق التونسي عصام الشوالي من التعليق على مباريات الفريق وشدد على ضرورة مخاطبة القناة التي يعمل بها من أجل ذلك.
وقال إكرامي في تصريحات تليفزيونيه ببرنامج “اللعيب” عبر قناة “mbc مصر” مخاطبا المذيع مهيب عبد الهادي:” إعطيت لعصام الشوالي أكبر من حجمه، وانت قلت الأهلي اللي عمله لايجوز انه يستفز الناس “.
وتابع:” المفروض الأهلي يبعت مذكره للقناة اللي شغال فيها يمنعه من التعليق على مبارياته”.
وشدد إكرامي: ” الشوالي مكنش عادل خالص، وكلنا متضايقين، تونس طرف لانه تونسي، لما بيحصل أي مشكله من حكم أومذيع مصري بيتهاجم، ليه متهاجمش من تونس؟ “.
وأختتم:” متضايق ومنفعل جدا، وكنت أتمنى منتكلمش عنه، الشوالي خرج عن النطاق المهني يبقى يتهاجم، أقول له انت مش fair، إرجع من 3 أو4 سنين انت كنت إيه والأهلي عملك إيه، وفي جميل للأهلي عليك انا مش بقولك جامل بس خليك fair”.
