” بنشيل بلاوي اللجان وكوارث ممدوح عباس “.. تعليق ناري من أحمد مرتضى منصور على أزمة الزمالك المالية!! – فيديو
علق أحمد مرتضى منصور، عضو مجلس إدارة الزمالك، على الازمة الماليه التي يعاني منها الفارس الابيض، بسبب الحجز على الأرصدة من قبل ممدوح عباس.
وقال أحمد مرتضى منصور في تصريحات تليفزيونيه عبر قناة”الزمالك”: “المستشار مرتضى منصور عمل حاجة مفيش نادي في مصر عملها، مفيش نادي في مصر بيدي لنجومه القدماء معاشات، مفيش نادي بيكرم ابناءه زي ما عمل الزمالك باليفط”.
وأضاف:” التكريم الحقيقي للرموز اللي عمله هو المستشار مرتضى منصور، أتحدى ان في نادي في مصر ادى ولاده معاشات واتحدى ان في نادي في مصر بيكرم رموزه كده”.
وشدد مرتضى: “إحنا عملنا كتير اوي للزمالك، وللاسف في لجان الكترونية بتخش تحاول تقلل من الإدارة لأهداف تانية، وللاسف كلها حسابات وهمية وفيك، وأنا قررت بعد كده مردش على اي حد في تويتر تاني”.
واردف:” اللجان عملت اخطاء وقت وجودها في العقود ودفعت فلوس للعيبه مش من حقهم مثل اتشيمبونج اللي له فيديو بيعترف فيه انه مالوش فلوس،”.
وأختتم: “أحنا بشيل بلاويك زي ماشيلت اخطاء الاستاذ ممدوح عباس، وقضايا في الفيفا ومشكلة أجوجو، هل لما الاستاذ ممدوح نجح انا وقفت له على باب النادي كل شويه وعملت له تويته وقولتله انت جبت اجوجو؟، لا، هو الجمعيه جابته وياخد وقته”.
